By : Oneindia Telugu Video Team
Published : April 03, 2018, 05:38

ఇప్పుడు మరింత ప్రత్యేకంగా IPL ..వేడుకకు సర్వం సిద్దం


క్రికెట్ ప్రపంచంలోనే అత్యంత ధనిక దేశీవాలీ లీగ్ ఐపీఎల్. ఏప్రిల్ 7న చెన్నై, ముంబై జట్ల మధ్య జరగనున్న తొలిపోరుతో ఈ సంరంభం మొదలుకానుంది.దీనిని పురస్కరించుకొని తారాస్థాయిలో వేడుకలను నిర్వహించాలని బీసీసీఐ ఏర్పాట్లు చేస్తోంది. కెప్టెన్లతో పాటు, బాలీవుడ్ నుంచి టాప్ హీరో, హీరోయిన్లు కూడా వేడుకకు హాజరుకానున్నారు.
ఈ సారి ఐపీఎల్‌కు ప్రత్యేకతేంటంటే.. రెండేళ్ల నిషేదం అనంతరం చెన్నై, రాజస్థాన్ జట్లు తిరిగి ఆడుతుండటం.ఈ నేపథ్యంలో ఆరంభ వేడుకలను ఘనంగానూ అత్యంత ఆకర్షిణీయంగానూ ఉండేలా బీసీసీఐ తీర్చిదిద్దుతోంది. తొలి మ్యాచ్ జరగనున్న ముంబైలోని వాంఖడే స్టేడియం ఈ వేడుకకు వేదికకానుంది.
బాలీవుడ్ నుంచి పరిణీతి చోప్రా, వరుణ్ ధావన్, జాక్వెలిన్ ఫెర్నాండేజ్ డ్యాన్స్‌లతో అలరించనున్నారు. అంతకుముందు అనుకున్నట్లు రణవీర్ సింగ్ భుజానికి గాయం కారణంగా హాజరుకాలేకపోతున్నాడు. ఆయన స్థానాన్ని భర్తీ చేయాలనే ఉద్దేశ్యంతో నిర్వహకులు హృతిక్ రోషన్‌ను ఆహ్వానించినట్లు సమాచారం.
ఈ వేడుక 90నిమిషాల పాటు జరగనుంది. దాదాపు సాయంత్రం 7:15నిమిషాలకు ముగిసేలా ఏర్పాటు చేశారు. అంటే సరిగ్గా మొదటి మ్యాచ్‌ టాస్ పడటానికి 15నిమిషాల ముందు ముగిసిపోతాయన్నమాట.అందరికీ అలవాటైన 'హాట్ స్టార్' ఈ కార్యక్రమాన్ని లైవ్‌లో చూపించనుంది.
ఏటా జరిగేదానికి విరుద్ధంగా ఈ సారి ఇద్దరు కెప్టెన్లు మాత్రమే హాజరుకానున్నారు. మహేంద్రసింగ్ ధోనీ, రోహిత్ శర్మలు మినహాయించి మిగిలిన వారెవ్వరూ హాజరుకాలేరు.
ఏ రోజుకారోజు లీగ్ మ్యాచ్ పూర్తి అయిన వెంటనే.. పాయింట్ల ఆధారంగా టాప్ 4 స్థానాల్లో ఉండాల్సిన జట్టును ప్రకటిస్తారు. ఈ లీగ్ 51 రోజుల పాటు జరగనుంది.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా