By : Oneindia Telugu Video Team
Published : April 21, 2018, 10:44

IPL 2018: RR ఓటమికి కారణాలు

ఐపీఎల్ 2018 సీజన్‌లో భాగంగా రాజస్థాన్ రాయల్స్‌తో శుక్రవారం రాత్రి జరిగిన మ్యాచ్‌లో చెన్నై సూపర్ కింగ్స్ జట్టు 64 పరుగుల తేడాతో అలవోక విజయాన్ని అందుకుంది. తొలుత ఓపెనర్ షేన్ వాట్సన్ (106 : 57 బంతుల్లో 9x4, 6x6) మెరుపు శతకం బాదడంతో చెన్నై జట్టు నిర్ణీత 20 ఓవర్లలో 5 వికెట్ల నష్టానికి 204 పరుగుల భారీ స్కోరు చేయగా.. ఛేదనలో తడబడిన రాజస్థాన్ జట్టు 140 పరుగులకే కుప్పకూలిపోయింది. మ్యాచ్ ఆరంభం నుంచే చెన్నై బౌలర్లు వరుసగా వికెట్లు తీస్తూ.. రాజస్థాన్‌పై ఒత్తిడి పెంచారు. టోర్నీలో చెన్నై జట్టుకి ఇది మూడో విజయం కాగా.. రాజస్థాన్‌కి మూడో ఓటమి.
ఛేదనలో క్లాసెన్ (7) ఇన్నింగ్స్ రెండో ఓవర్‌లోనే ఔటవగా.. తర్వాత వచ్చిన సంజు శాంసన్ (2) కూడా నిరాశపరిచాడు. అయితే.. కెప్టెన్ అజింక్య రహానె (16: 11 బంతుల్లో 1x4, 1x6) దూకుడుగా ఆడినట్లు కనిపించినా.. అతను కూడా జట్టు స్కోరు 32 వద్ద ఔటవడంతో రాజస్థాన్ జట్టుపై ఒత్తిడి పడింది. ఈ దశలో జట్టు స్కోరు బోర్డు నడిపించే బాధ్యత తీసుకున్న బెన్‌స్టోక్స్ (45: 37 బంతుల్లో 3x4, 1x6) కాసేపు ఒంటరి పోరాటం చేసినా.. అతనికి సహకరించే వారు కరవయ్యారు. జోస్ బట్లర్ (22: 17 బంతుల్లో 1x4, 1x6), రాహుల్ త్రిపాఠి (5), స్టువర్ట్ బిన్నీ (10) తక్కువ స్కోరుకే ఔటవడంతో.. రాజస్థాన్ జట్టు కోలుకోలేకపోయింది. చివరికి 18.3 ఓవర్లలోనే ఆ జట్టు కుప్పకూలిపోయింది.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా