By: Oneindia Telugu Video Team
Published : December 28, 2017, 04:27

ఐటీ దాడులు, ఆర్థికంగా దెబ్బ ?

Subscribe to Oneindia Telugu

ఆర్ కే నగర్ ఉప ఎన్నికల తరువాత చిన్నమ్మ వీకే శశికళ నటరాజన్ కుటుంబ సభ్యుల మీద మరోసారి ఆదాయపన్ను శాఖ (ఐటీశాఖ) అధికారులు దాడులు చేసిన విషయం తెలిసిందే. బుధవారం మొదలైన ఆదాయపన్ను శాఖ దాడులు గురువారం కొనసాగుతున్నాయి. మన్నార్ గుడి మాఫియాను ఆర్థికంగా దెబ్బ కొట్టడానికి ఐటీ శాఖ దాడులు కొనసాగుతున్నాయని సమాచారం.

శశికళ ఫ్యామిలీకి ఆర్థికంగా కేంద్ర బిందువు అయిన పాడపాయ్ ప్రాంతంలోని మిడాస్ మద్యం కంపెనీలో గురువారం ఆదాయపన్ను శాఖ దాడులు కొనసాగుతున్నాయి. మిడాస్ కంపెనీకి చెందిన ఆర్థికలావాదేవీలను ఆదాయపన్ను శాఖ అధికారులు క్షుణ్ణంగా పరిశీలిస్తున్నారు.

చెన్నై సమీపంలో మిడాస్ మద్యం కంపెనీకి బాటిల్స్ సరఫరా చేసే గౌడన్ లో గురువారం ఆదాయపన్ను శాఖ అధికారులు ఆకస్మికంగా సోదాలు చేశారు. మిడాస్ కంపెనీకి మద్యం బాటిల్స్, అట్ట బాక్స్ లు సరఫరా చేసే శ్రీసాయి గ్రూప్ ఆఫ్ కంపెనీల్లో ఆదాయపన్ను శాఖ సోదాలు కొనసాగుతున్నాయి.
శశికళ వదిన ఇళవరసి కుమార్తె క్రిష్ణప్రియ భర్త కార్తికేయన్ కు చెందిన కోయంబత్తూరులోని ఎస్ వీఎస్ ఇంజనీరింగ్ కాలేజ్ లో గురువారం ఐటీ శాఖ దాడులు కొనసాగుతున్నాయి. శశికళ ఫ్యామిలీని లక్షంగా చేసుకునే ఐటీ శాఖ అధికారులు దాడులు చేస్తున్నారని ఆమె వర్గీయులు ఆరోపిస్తున్నారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా