By : Oneindia Telugu Video Team
Published : June 22, 2018, 06:36

మా తాత తోపు ..మరీ మీ తాత ?జగన్ పై జే.సి. మండిపాటు

కడప స్టీల్ ప్లాంట్ కోసం దీక్ష చేస్తున్న రాజ్యసభ సభ్యులు సీఎం రమేష్‌కు అనంతపురం టీడీపీ ఎంపీ జేసీ దివాకర్ రెడ్డి శుక్రవారం మద్దతు పలికారు. ఈ సందర్భంగా ఆయన వైసీపీ అధినేత వైయస్ జగన్, ప్రధాని నరేంద్ర మోడీపై నిప్పులు చెరిగారు. కులాభిమానం ఉండవచ్చు కానీ దురభిమానం ఉండవద్దన్నారు.
మావాడు.. ఎవరు.. జగన్ అంటూ జేసీ మాట్లాడుతూ.. రాజకీయంగా ఆయనతో విభేదించినప్పటికీ, అతని పట్ల తనకు కొంత అభిమానం, ప్రేమ ఉందని చెప్పారు. అందుకు రెడ్డి కారణం అన్నారు. అందరికీ కులాభిమానం ఉందని చెప్పారు. అయితే కులాభిమాన దురహంకారం కాకూడదన్నారు. నేను పుట్టుకతోనే పెద్దరెడ్డిని అన్నారు.
ఎవరికైనా అన్ని అర్హతలు ఉన్నప్పటికీ, అలాంటి వారిని అణగదొక్కడం సరికాదని జేసీ అన్నారు. తన కులం వాడికి అన్ని అర్హతలు ఉంటే వాడికి ఓటు వేస్తానని చెప్పారు. కానీ వేరే కులాన్ని అణగదొక్కనని చెప్పారు. నీకు కులాభిమానం ఉంటే నన్ను ఎందుకు తీసుకోలేదని (వైసీపీలోకి), అసలు నీవు ఎందుకు రాలేదని అడిగారు. నీకు రూ.30 కోట్లు ఇచ్చి పార్టీలో చేరాలా అని ప్రశ్నించారు. ఏయ్.. మళ్లీ చెప్తున్నా.. నేను పుట్టుకతో పెద్ద రెడ్డిని, మా తాతకు 2వేల ఎకరాల భూమి ఉండేదని, మీ తాతకు ఎంత ఉండేదో చెప్పాలన్నారు.
జేసీ దివాకర్ రెడ్డి మాట్లాడేటప్పుడు.. టీడీపీ కార్యకర్తలు పెద్ద ఎత్తున అరుస్తూ సంతోషం వ్యక్తం చేశారు. ఈలలు వేశారు. దానికి జేసీ మాట్లాడుతూ.. తమ్ముళ్లూ మాట్లాడేటప్పుడు ఇలా చేయవద్దని విజ్ఞప్తి చేశారు. వైయస్ రాజశేఖర రెడ్డిని మెచ్చుకున్న సందర్భాలు కూడా ఉన్నాయన్నారు. ఆరోగ్యశ్రీ బాగుందన్నారు. ఉచిత విద్యుత్‌ను నేను వ్యతిరేకించానని చెప్పారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more