By : Oneindia Telugu Video Team
Published : March 22, 2018, 06:21

రాజేంద్ర కి కవిత స్ట్రాంగ్ కౌంటర్

ఆంధ్రప్రదేశ్ రాష్ట్రానికి ప్రత్యేక హోదా కోసం సినిమా వాళ్లు ముందుకు రావడం లేదని, వారికి ఏపీ ప్రయోజనాలు అవసరం లేదా, ఇలా అయితే వారి సినిమాలు ఆడనివ్వరని వ్యాఖ్యానించిన టీడీపీ ఎమ్మెల్సీ రాజేంద్ర ప్రసాద్‌పై ప్రముఖ సినీ నటి, బీజేపీ నేత కవిత మండిపడ్డారు.
ఆయనకు కవిత గట్టి కౌంటర్ ఇచ్చారు. ఆంధ్రప్రదేశ్ కోసం, రాష్ట్ర ప్రయోజనాల కోసం సినిమా పరిశ్రమ ఎప్పుడూ అండగా ఉంటుందని చెప్పారు. కానీ మీరే రాజకీయ ప్రయోజనాల కోసం నాటకాలు ఆడుతున్నారని ధ్వజమెత్తారు.
తెలుగుదేశం పార్టీ అవినీతిని కేంద్రం బయటపెడుతుందనే ఉద్దేశ్యంతోనే యూటర్న్ తీసుకున్నారని కవిత విమర్శించారు. మీ నాటకాలకు తలూపడానికి సినిమా పరిశ్రమ అందుకు సిద్ధంగా లేదని ధ్వజమెత్తారు. ఏసీ రూముల్లో కులుకుతున్నారని రాజేంద్రప్రసాద్ అనడాన్ని తీవ్రంగా ఖండిస్తున్నామని, ఈ మాటలకు ఆయన బేషరతుగా క్షమాపణ చెప్పాలని కవిత డిమాండ్ చేశారు.
ఇంకోసారి ఇలాంటి మాటలు మాట్లాడితే పరిణామాలు వేరేగా ఉంటాయని, తీవ్రంగా ఉంటాయని హెచ్చరించారు. ఆయన ఎన్ని రోజులు ఎమ్మెల్సీగా ఉంటారు.. మీ నాయకుడు ఎన్ని రోజులు ఉంటారు అని కవిత నిలదీశారు. మీ అధికారం పరిమిత కాలమని, సినీ పరిశ్రమ మాత్రం శాశ్వతం అని కవిత మండిపడ్డారు. సినీ పరిశ్రమను కేసీఆర్ నెత్తిమీద పెట్టుకొని గౌరవిస్తుంటే ఆయనిచ్చే గౌరవంలో టీడీపీ కొంచెం కూడా ఇవ్వడం లేదన్నారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా