By: Oneindia Telugu Video Team
Published : November 29, 2017, 12:43

మెట్రో అద్భుతం, కానీ నడపాల్సింది రైలును కాదు

Subscribe to Oneindia Telugu

హైదరాబాద్ మెట్రో ప్రారంభోత్సవ కార్యక్రమంలో ప్రధాని నరేంద్ర మోడీ చాలా సరదాగా గడిపారు. మెట్రో స్టేషన్లు, కోచ్‌లు అద్భుతంగా ఉన్నాయని మోడీ కితాబిచ్చారు. ప్రజాప్రతినిధులు, అధికారులతోనూ సరదాగా ముచ్చటించారు. ఈ సందర్భంగా 'నేను ముందుకు నడపాల్సింది రైలును కాదు... దేశాన్ని' అని మోడీ అధికారులతో వ్యాఖ్యానించడం అందర్నీ నవ్వుల్లో ముంచింది. మంగళవారం హైదరాబాద్‌ మెట్రో రైలును ప్రారంభించిన అనంతరం అందులో ప్రయాణిస్తూ- ఎల్‌అండ్‌టీ మెట్రోరైలు సంస్థ ఎండీ శివానంద నింబార్గిని ఉద్దేశించి ఈ మాటలన్నారు. మియాపూర్‌-కూకట్‌పల్లి మెట్రో స్టేషన్ల నడుమ 11 నిమిషాల ప్రయాణంలో మోడీ అనేక విషయాలను ప్రస్తావించారు.
హైదరాబాద్‌ మెట్రోరైలు లోకో పైలట్‌ (డ్రైవరు)తో పెద్దగా సంబంధం లేకుండానే, ఉప్పల్‌ డిపోలోని కమాండ్‌ కంట్రోల్‌ కేంద్రం ఆధారంగా నడుస్తుంది. ప్రాజెక్టు నిర్మాణ సంస్థ ఎల్‌అండ్‌టీ హైదరాబాద్‌లో తిరిగే 57 రైళ్లలో మహిళలనే లోకో పైలెట్లుగా నియమించింది.
మెట్రోలో ఏర్పాటుచేసిన అత్యాధునిక సాంకేతికత, తాము నిర్మిస్తున్న మాల్స్‌, ప్రయాణికులకు కల్పిస్తున్న సౌకార్యాలు తదితర వివరాలను నింబార్గి ప్రధానికి తెలియజేశారు. ప్రధాని పక్కనే కూర్చున్న మంత్రి కేటీఆర్‌... మెట్రోకు సంబంధించిన అనేక విషయాలను ఆయనకు వివరించారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా