By: Oneindia Telugu Video Team
Published : November 20, 2017, 11:01

చిరంజీవి వల్ల కాపుల కడుపు నిండదు

Subscribe to Oneindia Telugu

ఏపీ ప్రకటించిన నంది అవార్డులపై వివాదం కొనసాగుతోంది. అవార్డుల్లో రుద్రమదేవి, రేసుగుర్రం వంటి సినిమాలకు తీవ్ర అన్యాయం జరిగిందని చాలామంది మండిపడుతున్నారు. మరోవైపు అవార్డుల్లో ఎలాంటి అన్యాయం జరగలేదని మరొకరు అంటున్నారు.
ఈ నేపథ్యంలో అవార్డుల వివాదంపై ఆంధ్రజ్యోతి ఓపెన్ డిబెట్ నిర్వహిస్తోంది. ఇందులో పలువురు ప్రముఖులు పాల్గొన్నారు. వారి వారి అభిప్రాయాలను, వాదాలను వినిపించారు. ఈ సందర్భంగా నిర్మాత బన్నీ వాసు చేసిన వ్యాఖ్యలపై ఆంధ్రజ్యోతి ఎండీ రాధాకృష్ణ వారించారు.
బన్నీ వాసు నంది అవార్డుల ప్రకటన లోపభూయిష్టంగా ఉందని మొదటి నుంచి చెబుతున్నారు. డిబెట్‌లో ఆయన మాట్లాడుతూ.. మా చిరంజీవి, మా మెగా ఫ్యామిలికీ 2002 నుంచి అన్యాయం జరిగిందని ఆవేదన వ్యక్తం చేసారు.
దీంతో రాధాకృష్ణ మధ్యలో జోక్యం చేసుకున్నారు. అలా అనడం సరికాదని బన్నీ వాసుకు చెప్పారు. మా చిరంజీవి అని మాట్లాడటం సరికాదని, ఇలా మాట్లాడితే చిరంజీవికే ఎక్కువ నష్టమని, చిరంజీవి అందరివాడు అని వ్యాఖ్యానించారు.
చిరంజీవి ముఖ్యమంత్రి అయితే కాపులకు, చంద్రబాబు నాయుడు ముఖ్యమంత్రి అయితే కమ్మలకు కడుపు నిండదు అని రాధాకృష్ణ హితవు పలికారు. ఇలా వేరు చేసే మాటలు సరికాదని అభిప్రాయపడ్డారు.

Please Wait while comments are loading...

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా