• search
By : Oneindia Telugu Video Team
Published : February 19, 2018, 05:01
Duration : 02:46

అవిశ్వాస తీర్మానం : టీడీపీ వెనుకంజ, జగన్‌కు ప్లస్ : రాహుల్ 'సై'


కేంద్రంపై పోరాటం నేపథ్యంలో ఏపీ అధికార పార్టీ టీడీపీ బాగానే ఇరుకునపడింది. జగన్ రాజీనామాలు అనగానే.. మీకన్నా ముందు రాజీనామాలకు మేం సిద్దమన్న టీడీపీ నేతలు.. 'అవిశ్వాస తీర్మానం' అనేసరికి మాత్రం అంతా గప్‌చుప్ అయిపోయారు. మరోవైపు వైసీపీ అధినేత జగన్ అవిశ్వాస తీర్మాన ప్రతిపాదనకు కాంగ్రెస్ నుంచి కూడా మద్దతు లభిస్తుండటం గమనార్హం.
కేంద్రంలోని ఎన్డీయే సర్కారుపై అవిశ్వాస తీర్మానం పెట్టేందుకు కాంగ్రెస్ కూడా సిద్దమవుతోంది. రాష్ట్ర కాంగ్రెస్ నేతలు రాహుల్ గాంధీని ప్రత్యేకంగా కలిసినవేళ.. అవిశ్వాస తీర్మాన ప్రతిపాదనకు ఆయన ఓకె చెప్పారు.
కాంగ్రెస్ నేతలు రఘువీరారెడ్డి, జేడీ శీలం, టీ సుబ్బరామిరెడ్డి తదితరులు రాహుల్ గాంధీని కలిసి, కేంద్రంపై అవిశ్వాసం పెడదామని ప్రతిపాదించారు. అలా చేస్తే.. కేంద్రానికి వ్యతిరేకంగా ఏ పార్టీ కలిసి వస్తుందో ప్రజలకు తెలుస్తుందని చెప్పడంతో, అందుకు రాహుల్ గాంధీ కూడా ఓకె చెప్పారు. ఈ బడ్జెట్ సమావేశాల్లోనే అవిశ్వాసం పెట్టేందుకు రాహుల్ గాంధీ అంగీకరించినట్టు సమాచారం.
అవిశ్వాసానికి కావాల్సినంతమంది ఎంపీలు తమకు లేనందువల్ల టీడీపీని అందుకు ఒప్పించాలని జనసేన అధినేత పవన్ కల్యాణ్ కు సవాల్ విసిరారు జగన్. అయితే ఈ రెండు పార్టీలు కలిసినా.. అవిశ్వాసానికి కావాల్సిన 54మంది ఎంపీల మద్దతు సమకూరదు. ఇలాంటి తరుణంలో కాంగ్రెస్ పార్టీ కూడా అవిశ్వాసానికి సై అనడం.. జగన్ సవాల్‌కు గట్టి బలం చేకూరినట్టయింది. అదే సమయంలో సీఎం చంద్రబాబు మరింత చిక్కుల్లో పడ్డట్టయింది.
వెనుక నుయ్యి ముందు గొయ్యి అన్నట్టుగా తయారైంది చంద్రబాబు ప్రస్తుత పరిస్థితి. అవిశ్వాస తీర్మానానికి మద్దతిస్తే.. ప్రధాని మోడీ చేతిలో ఎక్కడ దెబ్బయిపోతామోనన్న భయం ఒకవైపు, మరోవైపు అవిశ్వాసానికి మద్దతునివ్వక ప్రజల ముందు ఎక్కడ దోషిగా నిలబడుతామేమోనన్న ఆందోళన మరోవైపు.. ఈ రెండింటి నడుమ చంద్రబాబు నలిగిపోతున్నారనే చెప్పాలి.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more