• search
  • Live TV
    By : Oneindia Telugu Video Team
    Published : January 27, 2018, 04:02
    Duration : 01:53

    అనంతపురం లో పవన్ కళ్యాణ్: సర్వం సిద్ధం

    జనసేన అధినేత పవన్‌ కళ్యాణ్‌ శనివారం నుంచి మూడు రోజులపాటు అనంతపురం జిల్లాలో పర్యటించనున్నారు. ఈ నేపథ్యంలో ఆయన శనివారం ఉదయం హైదరాబాద్ నుంచి అనంతపురంకు బయల్దేరారు. ఉదయం 10.45 ప్రాంతంలో ఆయన అనంతపురంకు చేరుకున్నారు.
    కాగా, పవన్ రాకకు పార్టీ శ్రేణులు అన్ని ఏర్పాట్లను పూర్తిచేశాయి. ముందుగా ప్రకటించిన విధంగానే.. పార్టీ కార్యాలయానికి శనివారం భూమిపూజ నిర్వహించనున్నారు. ఈక్రమంలో అనంతపురం, కదిరి, పుట్టపర్తి, ధర్మవరం, హిందూపురంలో వివిధ కార్యక్రమాల్లో ఆయన పాల్గొంటారు.
    రైతులు, కర్షక, శ్రామిక, చేనేత వర్గాల ప్రతినిధులు, మేధావులతో సమావేశం కానున్నారు. చలోరె.. చలోరె.. చల్‌' కార్యక్రమంలో భాగంగా జిల్లా కరవుపై అధ్యయనం, అవగాహన కోసం నిర్వహించే కార్యక్రమాల్లో పాల్గొననున్నారు.
    గుత్తిరోడ్డులోని కేటీఆర్‌ ఫంక్షన్‌ హాల్‌లో శనివారం మధ్యాహ్నం 2:30 గంటల నుంచి సాయంత్రం 5.30 గంటల వరకూ జనసేన ప్రజావేదికలో ‘సీమ కరవుకు పరిష్కార మార్గాలు' అనే అంశంపై రైతులు వ్యవసాయ, నీటిపారుదల నిపుణులతో ముఖాముఖి చర్చిస్తారు. సాయంత్రం పార్టీ ముఖ్యులు, కార్యకర్తలతో సమావేశం ఉంటుంది. అనంతరం రాత్రికి నగరంలో బస చేస్తారు.
    28న ఉదయం 11 గంటలకు కదిరికి చేరుకుంటారు. కదిరిలో లక్ష్మీనరసింహస్వామిని దర్శించుకొని కరవు పరిస్థితులపై స్థానిక రైతులతో చర్చించనున్నారు. అనంతరం ప్రజలను ఉద్దేశించి ప్రసంగించనున్నారు. ఆరోజు మధ్యాహ్నం పుట్టపర్తి చేరుకుని హనుమాన్‌ జంక్షన్‌లో ప్రజలను ఉద్దేశించి ప్రసంగిస్తారు. సాయంత్రం పుట్టపర్తిలోని సత్యసాయి మందిరం, మంచినీటి పథకం, ఆసుపత్రిని సందర్శిస్తారు. రాత్రికి పుట్టపర్తిలో బస చేస్తారు.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    మా అక్షరం మీ వీక్షణం తెలుగు వారి వన్ ఇండియా
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more