By: Oneindia Telugu Video Team
Published : November 01, 2017, 07:08

రాహుల్ గాంధీ ‘బ్లాక్ బెల్ట్’

Subscribe to Oneindia Telugu

తాజాగా సోషల్ మీడియాలో వచ్చిన కొన్ని ఫొటోలు కాంగ్రెస్ పార్టీ ఉపాధ్యక్షుడు రాహుల్ గాంధీలోని కొత్త కోణాన్ని చూపించాయి. రాహుల్‌.. కోచ్‌తో కలిసి ఐకిడో ప్రాక్టీస్‌ చేస్తున్న ఫొటోలను కాంగ్రెస్ పార్టీ తన ట్విట్టర్ ఖాతాలో పోస్ట్ చేసింది.కాగా, ఇటీవల రాహుల్‌ ఓ సమావేశంలో మాట్లాడుతూ.. ‘మీకు తెలుసా.. నేను ఐకిడోలో బ్లాక్‌బెల్ట్‌. కానీ దీని గురించి పబ్లిక్‌గా ఎప్పుడూ మాట్లాడలేదు. రోజూ గంట పాటు స్పోర్ట్స్‌ ఆడతా. కానీ నాలుగు నెలలు నుంచి ఎలాంటి క్రీడలూ ఆడటంలేదు.' అని వ్యాఖ్యానించడం వైరల్‌‌గా మారింది.
అయితే, రాహుల్ వ్యాఖ్యలకు స్పందించిన ప్రముఖ బాక్సర్‌ విజేందర్‌ సింగ్‌..‘నిజమా? అయితేప్రజలు మీ నుంచి స్ఫూర్తి పొందేలా క్రీడలు ఆడుతున్న వీడియోను పోస్ట్‌ చేయొచ్చుగా..' అని అన్నారు.
విజేందర్ చెప్పిన దానికి రాహుల్‌ కూడా ఒప్పుకున్నారు. ఇప్పుడు రాహుల్‌ ఐకిడో ప్రాక్టీస్‌ చేస్తున్న ఫొటోలను కాంగ్రెస్ పార్టీ ట్విట్టర్‌లో దర్శనమివ్వడం గమనార్హం. కాగా, రాహుల్‌ ఫొటోలకు నెటిజన్ల నుంచి లైకులతోపాటు విచిత్రమైన కామెంట్లు కూడా వస్తున్నాయి.

Please Wait while comments are loading...

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా