• search
By : Oneindia Telugu Video Team
Published : February 23, 2018, 02:15
Duration : 02:00

కమల్, రజనీ రహస్య భేటీ : రాజకీయం ఓకే కానీ షరతులు!

రాజకీయ రంగప్రవేశానికి ముందే తాను సూపర్ స్టార్ రజనీకాంత్ తో రహస్యంగా భేటీ అయ్యానని మక్కల్ నీది మయ్యం పార్టీ చీఫ్ కమల్ హాసన్ తెలిపారు. సూపర్ స్టార్ రజనీకాంత్ తో సమావేశం అయిన రోజు తన రాజకీయ రంగప్రవేశంపై సుదీర్ఘంగా చర్చించానని, కాలాతో కలిసి పని చెయ్యడానికి తనకు ఎలాంటి అభ్యంతరం లేదని కమల్ హాసన్ వివరించారు. జాతీయ జెండాలోనే కాషాయం ఉందని కమల్ గుర్తు చేశారు.
కమల్ హాసన్ తమిళ వారపత్రిక ఆనంద వికటన్ కు రాసిన వ్యాసంలో పలు ఆసక్తికర విషయాలు వెల్లడించారు. తాను రాజకీయాల్లోకి రావాలని గత ఏడాది మానసికంగా సిద్దం అయ్యానని, ఇప్పుడు ఆచరిస్తున్నానని వివరించారు. రజనీకాంత్ సూచన మేరకు షూటింగ్ గ్యాప్ లో తామిద్దరం రహస్యంగా కలిసి రాజకీయ అంశాలపై మాట్లాడామని కమల్ హాసన్ స్పష్టం చేశారు. మొదట తన రాజకీయ రంగప్రవేశంపై రజనీకాంత్ ఆశ్చర్యం వ్యక్తం చేశారని, అనంతరం ప్రజాసేవ చెయ్యడానికి సిద్దం కావాలని తనను ఆయన ప్రోత్సహించారని వివరించారు.
ప్రస్తుతం దేశంలో జరుగుతున్న కాషాయ రాజకీయాలను తాను వ్యతిరేకిస్తున్నాని కమల్‌ హాసన్ మరోసారి స్పష్టం చేశారు. కాషాయాన్ని తాను కించపరుస్తున్నానని కొందరంటున్నారని, అది ఏమాత్రం వాస్తవం కాదని, కషాయం త్యాగానికి ప్రతీక అని ప్రపంచానికే తెలుసని కమల్ హాసన్ వివరించారు.మన జాతీయ జెండాలో కాషాయం రంగు ఉందని, అయితే ఆ కాషాయం జెండా మొత్తం వ్యాపించకూడదని వివరించారు. రజనీకాంత్, బీజేపీ తమిళనాడు నాయకులను దృష్టిలో పెట్టుకుని కమల్ హాసన్ ఈ వ్యాఖ్యలు చేశారని తెలిసింది.
కుడి, ఎడమ (వామపక్షాలు) సిద్దాంతాలు తాను తీసుకోలేదని, మధ్య మార్గంలో ప్రయాణించాలని నిర్ణయించానని కమల్ హాసన్ వివరించారు. తన మార్గంలో ద్రవిడ సిద్దాంతాలు పుష్కలంగా ఉన్నాయని, అందులో ఎలాంటి సందేహం లేదని కమల్ హాసన్ స్పష్టం చేశారు.సూపర్ స్టార్ రజనీకాంత్ తో కలిసి రాజకీయాల్లో పని చెయ్యడానికి తనకు ఎలాంటి అభ్యంతరం లేదని కమల్ హాసన్ మరోసారి స్పష్టం చేశారు. అయితే రజనీకాంత్ బీజేపీని, హిందూవాదాన్ని అనుసరిస్తే ఎట్టిపరిస్థితుల్లో ఆయనతో కలిసే ప్రసక్తేలేదని కమల్ హాసన్ వివరించారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more