By : Oneindia Telugu Video Team
Published : April 20, 2018, 03:12

దిల్‌వాలే దుల్హనియా లేజాయేంగే' లో షారుఖ్ చేసిన మాయ

వెండితెరపై 2.30గం. సినిమా చూసొచ్చాక.. అది దమ్మున్న సినిమా గనుక అయితే.. ఆ ప్రభావం కచ్చితంగా కొద్దిసేపు వెంటాడుతుంది. కొన్నిసార్లు కొద్దిరోజులు కూడా వెంటాడవచ్చు. కానీ ఓ యువతిని మాత్రం జీవితాంతం ఆ ఫీలింగ్ వెంటాడుతూ వస్తోందట. సిల్వర్ స్క్రీన్ పై ఓ హీరో చేసిన మాయకు.. ఫుల్లుగా ఫిదా అయిపోయిన ఆమె.. చేసుకుంటే అలాంటి వాన్నే చేసుకుంటానని ఫిక్స్ అయిపోయిందట.
దిల్‌వాలే దుల్హనియా లేజాయేంగే'.. బాలీవుడ్ ఎవర్ గ్రీన్ సినిమాల్లో ఇది కూడా ఒకటి. ఇందులో కాజోల్-షారుఖ్ మధ్య కెమిస్ట్రీని ప్రేక్షకులు అంత ఈజీగా మరిచిపోలేరు. పశ్చిమ్‌ బంగాకు చెందిన ఓ యువతి ఆ సినిమా చూశాక షారుక్ ఆమె డ్రీమ్ హీరో అయిపోయాడు. దీంతొ చేసుకుంటే అలాంటివాన్నే పెళ్లి చేసుకోవాలని ఆమె ఫిక్స్ అయిపోయింది.
అచ్చు 'దిల్‌వాలే దుల్హనియా లేజాయేంగే' సినిమాలో లాగా.. తనకూ ఓ అబ్బాయి అలాగే ప్రపోజ్ చేయాలని ఆమె నిత్యం కలలు కనేది. ఇదే క్రమంలో ఓ అబ్బాయితో పరిచయం ఏర్పడింది. కానీ, అతను షారుక్‌ ఖాన్‌ స్టైల్లో ప్రపోజ్‌ చేయలేదు. దీంతో కొంతకాలం వేచి చూసింది. అయినా లాభం లేకపోయేసరికి.. ఇక తానే షారుక్ ఖాన్ కావాలని నిర్ణయించుకుంది.
షారుక్‌ ఖాన్‌ నా జీవితాన్ని నాశనం చేశాడు. చిన్నప్పటి నుంచి నాకు కాబోయే వాడు పర్‌ఫెక్ట్‌గా షారుక్ లాగే ఉండాలని కలలు గన్నాను.
మా ఇద్దరికి పరిచయం ఏర్పడిన తొలినాళ్లలో.. మేం మొదటిసారి కలుసుకున్న రెస్టారెంట్‌కి తనని రమ్మని చెప్పాను. అతను రెస్టారెంట్‌లోకి అడుగుపెట్టకముందే.. ముందుగా చేసిన వయోలిన్ మ్యూజిక్, డీజే స్టార్ట్ అయ్యాయి. ఆపై అతని ముందు నేను మోకాళ్లపై కూర్చొని.. ఇకనుంచి నా జీవితంలోని సంతోషాల్ని, నవ్వుల్ని, బాధల్ని.. ఇలా ప్రతీ క్షణాన్ని నీతో పంచుకోవాలనుకుంటున్నాను.. నువ్వు నన్ను పెళ్లి చేసుకుంటావా?.. అంటూ దిల్ వాలే సినిమాలో లాగా షారుక్ స్టైల్లో ప్రపోజ్ చేశాను.
నా సర్‌ప్రైజ్‌ ప్రపోజల్ ఆయనకు కూడా నచ్చింది. 'మనకు పుట్టబోయే పిల్లలు కూడా ఇంత ఫిల్మీగా ఉండరనుకుంటా..' అని ఆటపట్టించాడు. అయినా ఎప్పుడూ అబ్బాయిలే ఎందుకు ప్రపోజ్‌ చేయాలి? ఇది నవశకం. ఎవరైనా అబ్బాయిని ప్రేమిస్తే.. మీరే కొత్తగా అతనికి ప్రపోజ్ చేయండి' అని ఆమె చెప్పుకొచ్చారు. హ్యూమన్స్‌ ఆఫ్‌ బాంబే తమ ఇన్ స్టాగ్రామ్ లో దీన్ని షేర్ చేయడంతో ఇప్పుడిదో హాట్ టాపిక్ మారింది. ఆ లేడీ షారుక్ ఖార్ లవ్ స్టోరీపై చాలామంది నెటిజెన్స్ ఆసక్తికర కామెంట్స్ చేస్తున్నారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more