By: Oneindia Telugu Video Team
Published : November 22, 2017, 11:48

సంగీత ప్లాన్ ప్రకారమే వచ్చింది

Subscribe to Oneindia Telugu


టీఆర్ఎస్ లీడర్, రియాల్టర్ శ్రీనివాస్ రెడ్డిని పోలీసులు అరెస్టు చేశారు. రెండో భార్య సంగీత ఫిర్యాదుతో ఆయనపై ఐపీసీ సెక్షన్లు 307, 290, 506 సెక్షన్ల కింద కేసు నమోదు చేశారు. మరోవైపు మూడ్రోజులుగా భర్త ఇంటి ఎదుట సంగీత ఆందోళన నిర్వహిస్తోంది.
శ్రీనివాస్ రెడ్డిని పోలీసులు అరెస్టు చేసిన సమయంలో ఆయన మీడియాతో మాట్లాడాడు. సంగీత ప్లాన్ ప్రకారమే తమ ఇంటికి వచ్చిందని ఆరోపించాడు. ఆమె ఇంట్లో నుంచి వెళ్లిపోయి చాలా రోజులు అవుతోందని, అప్పటి నుంచి కాపురానికి రమ్మని ఎంత బతిమాలినా ఫలితం లేకుండా పోయిందన్నారు.
అంతేకాకుండా తనతో పాటు, తన తల్లిదండ్రులపై పలు రకాల కేసులు పెట్టిందని శ్రీనివాస్ రెడ్డి అన్నాడు. తాను సంపాదించింది ఏమీ లేదని, ఆస్తి అంతా తన తల్లిదండ్రులదేనని చెప్పాడు. సంగీత, ఆమె సోదరుడు తమపై దాడి చేసిన వీడియోలు, తన దగ్గర ఉన్నాయని, త్వరలో వాటిని బయటపెడతానని చెప్పాడు.
సంగీత తన భర్త ఇంటి ముందు తన ఆందోళనను కొనసాగిస్తోంది. ఆమె భర్త శ్రీనివాస్ రెడ్డి, మరో ఆరోపణ కూడా చేశారు. తనను కట్నం కోసం కూడా వేధించారని తెలిపారు. తన భర్త తనను ఓ పని మనిషిగా చూశాడన్నారు. తాను చాన్నాళ్లుగా తల్లిదండ్రుల వద్ద ఉంటున్నానని, తనకు తెలియకుండా మూడో పెళ్లి చేసుకోవడంతో న్యాయం కోసం తల్లిదండ్రులతో కలిసి వచ్చానని చెప్పారు.

Oneindia బ్రేకింగ్ న్యూస్
రోజంతా తాజా వార్తలను పొందండి

మా అక్షరం మీ వీక్షణం తెలుగు వారి వన్ ఇండియా