ఏపీకి మూడురోజులపాటు వర్ష హెచ్చరిక చేసిన వరుణుడు!

రాయలసీమ జిల్లాలలోనూ వర్షాలు

ఉరుములు మెరుపులతో పాటు ఈదురు గాలులతో కూడిన వర్షాలు పడే అవకాశం ఉందని వాతావరణ శాఖ తెలిపింది. అయితే కొన్ని ప్రాంతాలలో పిడుగులు పడే అవకాశం కూడా ఉందని పేర్కొందిఇక రాయలసీమ జిల్లాలలోనూ మోస్తరు వర్షాలు కురిసే అవకాశం ఉందని వాతావరణ శాఖ వెల్లడించింది. గంటకు 30 నుండి 40 కిలోమీటర్ల వేగంతో గాలులు వీస్తాయని, దీని ప్రభావంతో ఉష్ణోగ్రతలు తగ్గుముఖం పడతాయని వాతావరణం చల్లబడుతుంది అని తెలిపింది.

వర్షాల విషయంలో ప్రజలకు అలెర్ట్

దక్షిణ కోస్తా ప్రాంతంలో పొడి వాతావరణం తో పాటు చల్లని ఉపరితల గాలులు బలంగా వీస్తాయని వాతావరణ శాఖ పేర్కొంది.అయితే వర్షాలు కురిసే అవకాశం ఉన్న జిల్లాలలో ప్రజలు అప్రమత్తంగా ఉండాలని సూచించింది. చెట్ల కింద నిలబడడం మంచిది కాదని, విద్యుత్ స్తంభాలకు దూరంగా ఉండాలని పేర్కొంది. వర్షం పడే సమయంలో పొలాలలో పనిచేసే రైతులు, కూలీలు, పశువుల కాపరులు సురక్షిత ప్రాంతాలలో ఉండాలని సూచించింది.

రైల్వే ప్రయాణికులకు శుభవార్త.. ఉత్తరాది రాష్ట్రాలకు దూసుకుపోయేలా కొత్త రైల్వేలైన్ రెడీ!

లోటు వానలు, నీటివినియోగంపై జాగ్రత్త

ఉరుములు మెరుపులు వస్తున్న సమయంలో సెల్ ఫోన్ ఆన్ చేయవద్దని సూచించింది. నైరుతి రుతుపవనాల ప్రభావం ప్రస్తుతం కొనసాగుతున్న క్రమంలో రాష్ట్రంలో అనేకచోట్ల వర్షాలు పడుతున్నప్పటికీ, ఈసారి లోటు వర్షపాతం నమోదవుతున్న క్రమంలో నీటి వినియోగం విషయంలో, నీటి నిల్వలను చేసే విషయంలో ప్రజల బాధ్యత ఉందని ప్రభుత్వం పేర్కొంది.