వైద్య విద్యార్థులకు పండుగే.. వారికి ఏడాదికి రూ.1,50000 స్కాలర్ షిప్!

మంత్రి సత్యకుమార్ సమక్షంలో అవగాహనా ఒప్పందం

మంత్రి సత్య కుమార్ సమక్షంలో ఎన్టీఆర్ వర్సిటీ రిజిస్ట్రార్ డాక్టర్ సాయి సుధీర్, మరియు ఫీనిక్స్ ఫౌండేషన్ నిర్వాహకులు చుక్కపల్లి సురేష్ ఈ మేరకు ఒప్పంద పత్రాల పైన సంతకాలు చేశారు. ప్రతి సంవత్సరం ఈ కార్యక్రమాన్ని దివంగత చుక్కపల్లి శంకర్రావు జ్ఞాపకార్థం నిర్వహిస్తున్నట్టు వారు తెలిపారు.

స్కాలర్ షిప్ ప్లాన్ ఇలా

ఈ స్కాలర్షిప్ కింద 2026- 27 విద్యా సంవత్సరంలో మొదటి దశలో పదిమంది ఎంబిబిఎస్ విద్యార్థులను ఎంపిక చేసి వారికి ఒక్కొక్కరికి సంవత్సరానికి కనీసం ఒకటిన్నర లక్షల రూపాయల ఆర్థిక సహాయాన్ని అందిస్తారు. ఆ తర్వాత సంవత్సరాలలో సంఖ్యను క్రమంగా పెంచుతూ 2027- 28 సంవత్సరంలో 20 మందికి, 2028-29 సంవత్సరంలో 30 మందికి, 2030-31 సంవత్సరంలో 50 మందికి సహాయం అందిస్తారు.

ఒక్కో విద్యార్థికి కనీసం 1.50 వేల రూపాయల ఆర్థిక సహాయం

ఆ తర్వాత 2031- 32 నుంచి ప్రతి సంవత్సరం 50 మంది విద్యార్థులను ఎంపిక చేసిన స్కాలర్షిప్ ఇస్తారు. ఎంపికైన విద్యార్థులకు వైద్య కోర్సు పూర్తయ్యే వరకు ట్యూషన్ ఫీజు లో పూర్తిస్థాయి సహాయం అందిస్తారు. అంటే 100% ట్యూషన్ ఫీజు వారే చెల్లిస్తారు. అవసరమైన వారికి హాస్టల్ ఫీజు కూడా చెల్లిస్తారు. ఒక్కో విద్యార్థికి కనీసం ఒక లక్ష 50 వేల రూపాయల ఆర్థిక సహాయం అందేలా ఈ పథకాన్ని రూపొందించారు.

ఉత్తర తెలంగాణ వరప్రదాయిని వరంగల్ సూపర్ స్పెషాలిటీ ఆస్పత్రిపై బిగ్ న్యూస్!

రాష్ట్రంలో ఎంపిక చేసిన వైద్య కళాశాలలలో అమలు

ఈ కార్యక్రమం రాష్ట్రంలో ఎంపిక చేసిన వైద్య కళాశాలలలో అమలవుతుంది. పేద కుటుంబాల నుంచి వచ్చే ప్రతిభావంతులైన విద్యార్థులు వైద్య విద్యను అభ్యసించడానికి ఆర్థిక భారం లేకుండా అవకాశం కల్పించడమే ఇస్ స్కాలర్షిప్ యొక్క ప్రధాన ఉద్దేశం. ఈ విధంగా సహాయం చేయడం వల్ల అనేక మంది పేద వైద్య విద్యార్థులు చదువు పైన పూర్తిస్థాయిలో ఫోకస్ చేసి గొప్ప డాక్టర్లుగా తయారయ్యే అవకాశం ఉంటుంది.