మన దేశంలో అపర కుబేరులు, 104 లక్షల కోట్ల సంపద సాక్షిగా ..

టాప్-10 హవా: ఇంకా వారి చేతుల్లోనే సగం ఆస్తులు!

స్వయంకృషి పెరిగినప్పటికీ, దేశంలోని ప్రధాన సంపద మాత్రం ఇంకా కొద్దిమంది చేతుల్లోనే కేంద్రీకృతమై ఉంది. జాబితాలోని మొత్తం సంపదలో దాదాపు 49 శాతాన్ని కేవలం టాప్ 10 పారిశ్రామిక కుటుంబాలే నియంత్రిస్తుండటం గమనార్హం.

• గౌతమ్ అదానీ ఫ్యామిలీ: రూ.9,08,178 కోట్ల సంపదతో దేశంలోనే అత్యంత సంపన్న కుటుంబంగా అగ్రస్థానంలో నిలిచింది.
• ముఖేష్ అంబానీ ఫ్యామిలీ: రూ.8,93,622 కోట్లతో రెండో స్థానాన్ని కైవసం చేసుకుంది. (అంబానీ వారసులు అనంద్, ఇషా, ఆకాష్ ప్రతి ఒక్కరి ఆస్తి రూ.2.75 లక్షల కోట్లకు పైమాటే).
• సునీల్ భారతీ మిత్తల్ ఫ్యామిలీ: రూ.4,96,687 కోట్లతో మూడో స్థానంలో ఉంది.

తిరుమల శ్రీవారిని సన్నిధిలో అనంత్ అంబానీ.. రూ.27.5 కోట్ల భారీ విరాళం !!

లేడీ పవర్: దూసుకెళ్తున్న మహిళా కుబేరులు!

ఈసారి శ్రీమంతుల జాబితాలో మహిళల భాగస్వామ్యం గణనీయంగా పెరిగింది. ఏకంగా 738 మంది మహిళలు ఈ లిస్ట్‌లో స్థానం సంపాదించగా, మొత్తం ఆస్తుల్లో వీరు 22.6 శాతానికి పైగా సంపదను కలిగి ఉన్నారు. ఇందులోనూ 40 ఏళ్ల కంటే తక్కువ వయసు ఉన్న మహిళలు 51 మంది ఉండటం, వారి సగటు ఆస్తి రూ. 6,542 కోట్లుగా నమోదు కావడం విశేషం. అంతేకాకుండా శ్రీమంతుల సగటు వయసు కూడా గతంలో ఉన్న 60-63 ఏళ్ల నుంచి ప్రస్తుతం 57 ఏళ్లకు పడిపోయింది. యువత వేగంగా కోటీశ్వరులవుతున్నారనేందుకు ఇదో ప్రత్యక్ష నిదర్శనం.

తొలి త్రైమాసికంలో అదానీ ఎంటర్‌ప్రైజెస్ దూకుడు.. ఆదాయం 50% పెరుగుదల

కొత్త రంగాల ప్రభంజనం.. ముంబైకే ఫస్ట్ ర్యాంక్!

ఫార్మా, ఫైనాన్స్, కన్స్ట్రక్షన్ వంటి సంప్రదాయ రంగాలు ఇప్పటికీ 83 శాతం సంపదను సమకూరుస్తున్పటికీ.. రక్షణ రంగం, గ్రీన్ ఎనర్జీ, ఫిన్‌టెక్, క్విక్ కామర్స్ వంటి నయా టెక్నాలజీ రంగాలు 15.5 శాతంతో వేగంగా పుంజుకుంటున్నాయి.

ఇక ప్రాంతాల వారీగా చూస్తే.. మన దేశపు 'వెల్త్ క్యాపిటల్'గా ముంబై తన హవాను కొనసాగిస్తోంది. జాబితాలోని 802 మంది శ్రీమంతులు ముంబై నుంచే ప్రాతినిధ్యం వహిస్తూ 38.4 శాతం సంపదను కలిగి ఉన్నారు. ఆ తర్వాతి స్థానాల్లో అహ్మదాబాద్, బెంగళూరు, న్యూఢిల్లీ, గుర్గావ్‌లు నిలిచాయి. దేశంలోని మొత్తం సంపదలో 70 శాతానికి పైగా కేవలం ఈ 5 నగరాల్లోనే కేంద్రీకృతమై ఉందడం విశేషం.