పొరుగు రాష్ట్రంతో వివాదాల్లేకుండా పరిష్కారం చూపండి: కేంద్రానికి రేవంత్ రెడ్డి వినతి

ప్రాణాహిత నదిపై ప్రతిపాదించిన తుమ్మిడిహట్టి బ్యారేజీ ఎత్తు విషయంలో కొంతకాలంగా మహారాష్ట్రతో వివాదం కొనసాగుతోంది. ముంపు సమస్యల కారణంగా మహారాష్ట్ర దీనిపై అభ్యంతరాలు వ్యక్తం చేయడంతో గత ప్రభుత్వాల కాలంలో ఈ ప్రాజెక్టు ఎత్తును తగ్గించే ప్రయత్నాలు జరిగాయి. ప్రాజెక్టు డిజైన్ ప్రకారం ఎత్తును పెంచితేనే గరిష్ట స్థాయిలో నీటిని నిల్వ చేసుకుని, ఉత్తర తెలంగాణ ప్రాంత రైతాంగ ప్రయోజనాలను కాపాడటం సాధ్యమవుతుందని రేవంత్ సర్కార్ భావిస్తోంది.

కరికాల ఛాప్టర్ 1.. తెలుగు తెరపై మరో మిస్టిక్, మైథలాజికల్ థ్రిల్లర్.. !!

ఈ నేపథ్యంలోనే ఇరు రాష్ట్రాల మధ్య నెలకొన్న ఈ సుదీర్ఘ ప్రతిష్టంభనకు తెరదించేందుకు కేంద్ర ప్రభుత్వం తక్షణమే చొరవ చూపాలని రేవంత్ రెడ్డి కోరారు. ఇరు పక్షాల ప్రతినిధులు ఒకే వేదికపై కూర్చుని చర్చించుకునేందుకు వీలుగా కేంద్ర జలశక్తి మంత్రిత్వ శాఖ తగిన సమావేశాన్ని ఏర్పాటు చేయాలని ఆయన ప్రతిపాదించారు. కేంద్రం చొరవ చూపితేనే ఈ సంక్లిష్ట సమస్యకు శాశ్వత పరిష్కారం లభిస్తుందని వివరించారు.

వరల్డ్ కప్ కోసం టీమిండియా లెజెండ్ సెలెక్ట్ చేసిన మెరికలు- వీళ్లే ఉంటే దుమ్ము రేపుతారు

ఈ ప్రాజెక్టుతో పాటు రాష్ట్రంలోని కృష్ణా, గోదావరి నదీ పరివాహక ప్రాంతాల్లో ఉన్న ఇతర పెండింగ్ నీటిపారుదల ప్రాజెక్టుల అనుమతుల గురించి కూడా కేంద్ర మంత్రికి వివరించారు. ఈ విజ్ఞప్తుల పట్ల సానుకూలంగా స్పందించిన సీఆర్ పాటిల్.. త్వరలోనే సమస్యల పరిష్కారానికి, తదుపరి చర్చలకు తగిన చర్యలు తీసుకుంటామని హామీ ఇచ్చినట్లు ముఖ్యమంత్రి కార్యాలయం వెల్లడించింది.