• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చిరు బ్యాక్ బెంచ్, శోభా అనర్హత: విలీనంపై తొందరొద్దు?

By Srinivas
|

Chiranjeevi-Sobha Nagi Reddy
తిరుపతి శాసనసభ్యుడు చిరంజీవికి అసెంబ్లీలో వెనుక సీట్లో కూర్చోవడం ఏమాత్రం ఇష్టం లేనట్లుగా కనిపిస్తోంది. కాంగ్రెసులో విలీనమై ఆ తర్వాత ఇటీవలె మంత్రి పదవులు కూడా తీసుకున్న ప్రజారాజ్యం పార్టీ శాసనసభలో మాత్రం విలీన ప్రక్రియ పూర్తి చేసుకోవడానికి వెనుకాడుతున్నట్లుగా కనిపిస్తోంది. త్వరలో అసెంబ్లీ సమావేశాలు ప్రారంభం కానున్న నేపథ్యంలో విలీన ప్రక్రియ పూర్తయితే చిరంజీవి అసెంబ్లీలో తొలి వరుసలో కూర్చునే అవకాశం కోల్పోతారు. ఇన్నాళ్లూ పిఆర్పీఎల్పీగా ఆయన తొలి వరుసలో కూర్చుంటున్నారు. ఇప్పుడు మంత్రి పదవుల తీసుకున్న కారణంగా విలీన ప్రక్రియ పూర్తయితే ఆయన అసెంబ్లీలో వెనక్కి వెళ్లాల్సి ఉంటుంది. ఇది చిరుకు ఇష్టం లేదట. అ కారణంగా శాసనసభలో విలీన ప్రక్రియను రాజ్యసభ ఎన్నికలు పూర్తయ్యే వరకు వాయిదా వేయాలన్న ఆలోచనలో ఉన్నట్లుగా సమాచారం. మరోవైపు వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి వర్గం ఆళ్లగడ్డ శాసనసభ్యురాలు శోభా నాగి రెడ్డిపై అనర్హత వేటు పెండింగ్‌లో ఉంది. ఆమెకు వ్యతిరేకంగా స్పీకర్ ముందు వాదించేందుకు కూడా పీఆర్పీని కొనసాగించాల్సి ఉంది.

విలీనాన్ని ఆమోదించాలంటూ చిరంజీవి స్పీకర్ నాదెండ్ల మనోహర్‌కు గతంలోనే లేఖ రాశారు. ఇందుకు సంబంధించిన పత్రాలను కూడా సమర్పించారు. అయితే చివరి నిమిషంలో న్యాయ ప్రక్రియ పూర్తి చేయాలన్న ఉద్దేశ్యంతో స్పీకర్ దానిని పెండింగ్‌లో ఉంచారు. త్వరలో చిరంజీవిని రాజ్యసభకు పంపనున్నారు. అంతకుముందే బడ్జెట్ సమావేశాలలోగా జగన్ వర్గం ఎమ్మెల్యేలపై అనర్హత వేటు విషయమై తేలిపోనుంది. దీంతో ఈ రెండు ప్రక్రియలు పూర్తయ్యే వరకు విలీనానికి ఆస్కారం లేనట్లుగా కనిపిస్తోంది. అలా చేయడం వల్ల శోభపై వేటుకు అనుకూలంగా ఉండటంతో పాటు చిరంజీవికి ఎలాంటి ఇబ్బంది లేకుండా చూడవచ్చన్న ఆలోచనలో ఉన్నట్లుగా కనిపిస్తోంది.

English summary
It seems, Tirupati mla Chiranjeevi did not like to go back bench after merger in Assembly.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X