దళపతి విజయ్ న్యూమరాలజీ రహస్యం.. అందుకే గవర్నర్ మళ్లీ పిలిచారు

దళపతి విజయ్ స్థాపించిన 'తమిళగ వెట్రి కళగం' (TVK) పార్టీ తమిళనాడు రాజకీయ ముఖచిత్రాన్ని ఒక్కసారిగా మార్చేసింది. కేవలం గ్లామర్‌తోనే కాకుండా, బలమైన ఆశయాలతో ప్రజల్లోకి వెళ్లిన విజయ్, ఇటీవలి అసెంబ్లీ ఎన్నికల్లో అత్యధిక స్థానాలను కైవసం చేసుకుని ముఖ్యమంత్రి పీఠానికి చేరువయ్యారు. విజయ్ జూన్ 22, 1974న జన్మించారు. న్యూమరాలజీ ప్రకారం, ఆయన పుట్టిన తేదీలోని అంకెలను కలిపితే (2+2=4) వచ్చే సంఖ్య '4'ని ఆయన 'మూలాంక్'గా పరిగణిస్తారు.

4కు రాహువు అధిపతి

సంఖ్యాశాస్త్రంలో 4వ సంఖ్యకు 'రాహువు' అధిపతి. రాహువు ప్రభావం ఉన్న వ్యక్తులు సాధారణంగా సంప్రదాయాలకు భిన్నంగా ఆలోచిస్తారని, ధైర్యంతో కూడిన నిర్ణయాలు తీసుకుంటారని నమ్ముతారు. విజయ్ తన సినీ వైభవాన్ని వదులుకుని రాజకీయ సాహసం చేయడం ఈ సంఖ్య ప్రత్యేకతగానే జ్యోతిష్య నిపుణులు, సంఖ్యాశాస్త్ర నిపుణులు భావిస్తున్నారు. సాధారణంగా 4, 13, 22, 31 తేదీల్లో జన్మించిన వారిలో అద్భుతమైన పట్టుదల, అంకితభావం కనిపిస్తాయి. రాహువును మార్పులకు, విప్లవాత్మక ఆలోచనలకు ప్రతీకగా చూస్తారు.

నాయకత్వ పటిమకు నిదర్శనం

ఈ ప్రభావం వల్లే విజయ్ తన రాజకీయ ప్రసంగాల్లోనూ, పార్టీ విధానాల్లోనూ సరికొత్త పంథాను అనుసరించారు. కష్టాలను ఎదిరించి నిలబడటం, ప్రజల నాడిని పట్టుకుని వారిని తనవైపు తిప్పుకోవడం వంటి లక్షణాలు ఆయనను రాజకీయాల్లో తిరుగులేని శక్తిగా నిలబెట్టాయి. తమిళనాడు అసెంబ్లీ ఎన్నికల ఫలితాలు రాజకీయ పండితుల అంచనాలను తలకిందులు చేశాయి. విజయ్ నేతృత్వంలోని టీవీకే పార్టీ అద్భుతమైన మెజారిటీని సాధించింది. పూర్తి మెజారిటీకి కేవలం కొన్ని అడుగుల దూరంలోనే నిలిచినప్పటికీ, అతిపెద్ద పార్టీగా అవతరించడం విజయ్ నాయకత్వ పటిమకు నిదర్శనం.

ప్రజలు ఆయన వ్యక్తిత్వాన్ని, నిజాయితీని నమ్మి ఓటు వేశారని, దీనికి ఆయన జన్మసంఖ్య ఇచ్చే పాజిటివ్ ఎనర్జీ కూడా తోడైందని నిపుణులు చెబుతున్నారు. విజయ్ ముఖ్యమంత్రి అయ్యేందుకు అన్ని అవకాశాలు స్పష్టంగా కనిపిస్తున్నాయి. ఒక నటుడిగా కోట్లాది మంది హృదయాలను గెలుచుకున్న ఆయన, ఇప్పుడు ఒక పాలకుడిగా రాష్ట్ర భవిష్యత్తును మార్చబోతున్నారు. న్యూమరాలజీ అనేది ఒక దృక్కోణం మాత్రమే అయినప్పటికీ, విజయ్ సాధించిన ఈ 'విజయం' మాత్రం ఆయన దశాబ్దాల కృషి, క్రమశిక్షణ, ప్రజలపై ఆయనకున్న మమకారం వల్లే సాధ్యమైందని చెప్పక తప్పదు. అందుకే ముందు రమ్మన్న గవర్నర్, తర్వాత బలం చూపించమన్నారు. తర్వాత తిరిగి తాజాగా ప్రభుత్వ ఏర్పాటుకు ఆహ్వానించారు.

English summary

Vijay considers the number '4'—derived by summing the digits of his date of birth (2+2=4)—to be his 'Mulank' (Root Number). Rahu is the ruling planet for the number 4; in numerology, Rahu is the planetary lord associated with the number four.