తిరుపతిలో సీపీఐ రాష్ట్ర మహాసభలు ప్రారంభం

తిరుపతి: తిరుపతిలో బుధవారం ప్రారంభం కానున్న సీపీఐ రాష్ట్ర మహాసభలకు ఏర్పాట్లు పూర్తయ్యాయి. ఈ త్రైవార్షిక సమావేశాల్లో పార్టీభవిష్యత్ వ్యూహాలు, రాష్ట్ర సమితి కార్యవర్గం ఎంపిక జరుగుతాయని పార్టీ వర్గాలు తెలిపాయి.

ఈ సమావేశాల్లో పార్టీ జాతీయ కార్యదర్శి ఏబీ బర్ధన్, సీపీఎం రాష్ట్ర కార్యదర్శి ఎంవీ రాఘవులు పాల్గొననున్నారు. రాష్ట్రంలో రాజకీయ పరిస్థితుల గురించి ఈ సమావేశాల్లో లోతుగా చర్చిస్తారని పార్టీ వర్గాలు వెల్లడించాయి.

పార్టీలో 125 మంది సభ్యులతో కూడిన రాష్ట్ర సమితి ఎన్నిక, అందులో నుంచి 31 మందితో కూడిన కార్యవర్గం ఎంపిక, పార్టీ క్రమశిక్షణా వ్యవహారాల నియంత్రణా సంఘం ఎంపిక జరుగనుంది.