తెలంగాణతో ముడిపెట్టలేదు: మొయిలీ

హైదరాబాద్: తెలంగాణ సమస్య పరిష్కారం కాంగ్రెసుతోనే సాధ్యమని, మరో పార్టీతో సాధ్యం కాదని కాంగ్రెస్ ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ గురువారం మీడియా ప్రతినిధుల సమావేశంలో అన్నారు. ఉప ఎన్నికలతో తమ పార్టీ తెలంగాణను ముడి పెట్టలేదని, కేవలం అభివృద్ధి ఎజెండాతోనే ఎన్నికల్లో ప్రచారానికి దిగిందని ఆయన చెప్పారు. ముఖ్యమంత్రి డాక్టర్ వైయస్ రాజశేఖర రెడ్డి, ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ కలిసి బాగా పనిచేస్తున్నారని కాంగ్రెస్ ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ అన్నారు.

అభివృద్ధి ఎజెండా మీదనే ప్రజలు ఉప ఎన్నికల్లో కాంగ్రెసుకు ఓటేశారని ఆయన చెప్పారు. రాష్ట్రం ముఖ్యమంత్రి నేతృత్వంలో రాష్ట్రం అభివృద్ధి జరుగుతోందని ఆయన అన్నారు. యుపిఎ నుంచి తెలంగాణ రాష్ట్ర సమితి (తెరాస) తనంతతాను వెళ్లిపోయిందని ఆయన అన్నారు. తెరాస బలమెంతనో ఉప ఎన్నికల్లో తేలిపోయిందని ఆయన అన్నారు.