ఆంధ్రలో నిశ్శబ్ద విప్లవం: సోనియా

ఒంగోలు: రాష్ట్రంలో నిశబ్ద ఆర్థిక, సామాజిక విప్లవం వస్తోందని కాంగ్రెస్ అధ్యక్షురాలు సోనియా గాంధీ అన్నారు. ఇందుకు తాను ముఖ్యమంత్రి డాక్టర్ వైయస్ రాజశేఖరరెడ్డిని, ఆయన మంత్రివర్గం సహచరులను అభినందిస్తున్నానని ఆమె అన్నారు. డ్వాక్రా సంఘ మహిళలను ఉద్దేశించి ఆమె గురువారం సాయంత్రం మాట్లాడారు. ఆంధ్రప్రదేశ్ లో మహిళలు సాధిస్తున్న సాధికారితను అధ్యయనం చేయడానికి ఇతర రాష్ట్రాల నుంచి, ఇతర దేశాలనుంచి వస్తున్నారని ఆమె అన్నారు. ఇక్కడి స్వయం పోషక గ్రూపులు ఇతరులకు ఆదర్శంగా నిలుస్తాయని ఆమె అన్నారు.

ఆంధ్రప్రదేశ్ లో స్వయం పోషక గ్రూపుల ద్వారా 88 లక్షల మంది సాధికారత సాధించారని విని సంతోషంగా ఉందని ఆమె అన్నారు. ఈ పథకానికి తన అత్తగారు ఇందిరా గాంధీ పేరుమీద ఇందిరా గాంధీ క్రాంతిపథకం అని పెట్టడం గర్వంగా ఉందని ఆమె అన్నారు. ఇందిరా గాంధీ కలలు సాకారం కాబోతున్నదని ఆమె అన్నారు. ఇక్కడి మాదిరిగా తాను తన నియోజకవర్గం రాయబరేలీలో అమలు చేయడానికి ప్రయత్నిస్తున్నానని ఆమె అన్నారు.