రాజకీయ పార్టీలకు ప్రధాని పిలుపు

న్యూఢిల్లీ: అమర్నాథ్ ఆలయ భూవివాదం పరిష్కారానికి సరైన పరిష్కార మార్గం చూపాలని ప్రధాని డాక్టర్ మన్మోహన్ సింగ్ అన్ని పార్టీలకు పిలుపునిచ్చారు. తాను లోకసభ సభ్యత్వానికి రాజీనామా చేస్తానని నేషనల్ కాన్ఫరెన్స్ నాయకుడు ఒమర్ అబ్దుల్లా హెచ్చరించిన నేపథ్యంలో ప్రధాని సోమవారం ఈ పిలుపునిచ్చారు. జమ్మూ కాశ్మీర్ లోని పరిస్థితిపై ఆయన ఆందోళన చెందారు. పరిస్థితి నియంత్రణకు అన్ని రాజకీయ పార్టీలు, సరైన ప్రజలు ముందుకు రావాలని ఆయన పిలుపునిచ్చారు.

అమర్నాథ్ ఆలయ భూవివాద పరిష్కార బాధ్యత ప్రతి ఒక్కరికీ ఉందని, ఈ సమస్య ఏ ఒక్కరికో సంబంధించింది కాదని ఆయన అన్నారు. సమస్యను పరిష్కారించడానికి ప్రభుత్వం ముందుకు రాకపోతే తాను లోకసభ సభ్యత్వానికి రాజీనామా చేస్తానని ఒమర్ ఆదివారంనాడు హెచ్చరించారు. తాను చెప్పిన విషయాలను ప్రభుత్వం పెడచెవిన పెడుతోందని ఆయన ఆవేదన వ్యక్తం చేశారు.