ఉద్యోగులకు దసరా 'కానుక': వైఎస్

హైదరాబాద్: ఉద్యోగులకు దసరా కానుకగా మధ్యంతర భృతి ఇస్తామని ముఖ్యమంత్రి రాజశేఖరరెడ్డి అన్నారు. ఇది ఎంత అనే విషయం ఇంకా నిర్ణయించలేదని అయితే అందరికీ ఆమోదయోగ్యంగా ఉండేట్లు చూస్తామని ఆయన అన్నారు.

ఉద్యోగ, ఉపాధ్యాయ, కార్మిక ఐక్య కార్యాచరణ సమితి నేతలతో సీఎం ఈరోజు సమావేశమయ్యారు. ఆర్థికమంత్రి రోశయ్య కూడా ఈ చర్చల్లో పాల్గొంటున్నారు. పలువురు ఉన్నతాధికారులు కూడా ఈ భేటీలో ఉన్నారు. 30 శాతం మధ్యంతర భృతిపై వెనుకకు తగ్గేది లేదని జేఏసీ హెచ్చరించటంతో చర్చలపై ఉద్యోగులు ఉత్కంఠగా ఉన్నారు.