ఎన్టీఆర్ పై టిడిపి డాక్యుమెంటరీ సిడి

హైదరాబాద్: యువగర్జన సదస్సు కోసం తెలుగుదేశం పార్టీ స్వర్గీయ ఎన్టీ రామారావుపై ఒక డాక్యుమెంటరీని నిర్మించింది. ఈ డాక్యుమెంటరీ సిడిని సోమవారం నాడు తెలుగుదేశం పార్టీ అధ్యక్షుడు నారా చంద్రబాబు నాయుడు విడుదల చేశారు. ఎన్టీ రామారావు చిత్రాల్లోని సందేశాత్మక సన్నివేశాలు, సంభాషణలతో, ఆయన రాజకీయ ప్రసంగాలతో ఈ సిడిని రూపొందించారు. సాంఘిక చిత్రాల సన్నివేశాలు, పౌరాణిక చిత్రాల సన్నివేశాలు ఈ డాక్యుమెంటరీలో చోటు చేసుకున్నాయి.

ఈ నెల 5వ తేదీన గుంటూరలో జరిగే యువగర్జన సదస్సుకు ఏర్పాట్లు ఘనంగా జరుగుతున్నాయి. విమానాల ద్వారా సభకు వచ్చే ప్రజలపై పూలవర్షం కురిపించడానికి రెండు విమానాలను ఒక ప్రైవేట్ సంస్థ ఏర్పాటు చేస్తోంది. తెలుగుదేశం పార్టీ అధ్యక్షుడు నారా చంద్రబాబునాయుడు, సినీ నటుడు బాలకృష్ణ విశ్రాంతి తీసుకోవడానికి వేదికకు సమీపంలో ఒక గెస్ట్ హౌస్ ను నియోగిస్తున్నారు.