అద్వానీ యాత్రకు గద్దర్ కు ఆహ్వానం

హైదరాబాద్: భారతీయ జనతా పార్టీ (బిజెపి) సీనియర్ నాయకుడు ఎల్.కె. అద్వానీ విజయ సంకల్ప యాత్ర సందర్భంగా సికింద్రాబాద్ పరేడ్‌గ్రౌండ్స్‌లో గురువారం బహిరంగ సభ నిర్వహించేందుకు భారీ ఏర్పాట్లు జరిగాయి. ఈ సభకు హాజరుకావాల్సిందిగా ప్రజా గాయకుడు గద్దర్‌ను బిజెపి రాష్ట్ర అధ్యక్షుడు బండారు దత్తాత్రేయ బుధవారం ఆహ్వానించారు. దత్తాత్రేయ స్వయంగా గద్దర్ నివాసానికి వెళ్లి ఆయనను ఆహ్వానించారు. ఇటీవలి కాలలో ప్రత్యేక తెలంగాణ కోసం పలు పార్టీలు నిర్వహించే బహిరంగ సభలకు గద్దర్ హాజరవుతుండడం తెలిసిందే.

గత ఎన్నికల్లో రాష్ట్రంలో ఏ మాత్రం ప్రభావం చూపని బిజెపి వచ్చే ఎన్నికల్లో పుంజుకొనేందుకు ప్రయత్నిస్తోంది. ప్రత్యేక తెలంగాణకు మద్ధతు ప్రకటించిన ఏకైక జాతీయ పార్టీ తమ పార్టీయే కావడంతో తెలంగాణలో తమ పార్టీ బలోపేతం అయ్యేందుకు అద్వానీ యాత్ర దోహదపుడుతందని ఆ పార్టీ నేతలు ధీమా వ్యక్తంచేస్తున్నారు.