వైఎస్ వరంగల్‌ పర్యటన వాయిదా

వరంగల్‌: ముఖ్యమంత్రి వైఎస్‌ రాజశేఖర్‌రెడ్డి వరంగల్ జిల్లా పర్యటన ఫిబ్రవరి 5వ తేదీకి వాయిదా పడింది. ఈనెల 28నే జిల్లాకు రావడానికి పర్యటన కార్యక్రమం రూపొందించినప్పటికీ ఏర్పాట్ల విషయంలో అధికారయంత్రాంగం, పార్టీ నేతలు కొంత సమయాన్ని అడిగినట్టు తెలిసింది. దీంతో అవసరమైన అన్ని ఏర్పాట్లు భారీఎత్తున చేయడానికి వీలుగా పర్యటనను వచ్చే నెలకు సిఎం వాయిదా వేసుకున్నట్టు సమాచారం.

జిల్లాలో పర్యటన సందర్భంగా ముఖ్యమంత్రి పలు అభివృద్ధి కార్యక్ర మాలకు ప్రారంభోత్సవం, శంకుస్థాపనలు చేస్తారు. దేవాదుల ప్రాజెక్టులో భాగంగా ధర్మసాగర్‌ వద్ద నిర్మించిన బ్యాలెన్స్‌ రిజర్వాయర్‌లోకి నీటిని విడుదల చేస్తారు. కాగా టీఅర్ ఎస్ తో పొత్తుకు ఇంకా అవకాశం ఉన్నందువల్ల కూడా సిఎం పర్యటన వాయిదా పడినట్టు తెలుస్తోంది.