చిరు పుత్రుడే అంగీకరిస్తున్నారు: వైయస్

ఏలూరు: ప్రజారాజ్యం పార్టీ ప్రకటించిన బిసి జాబితాలో 14 మంది దాకా ఓసిలు ఉన్నారని ఆ పార్టీ అధ్యక్షుడు చిరంజీవి కుమారుడు రామ్ చరణ్ తేజానే అంగీకరిస్తున్నారని ముఖ్యమంత్రి డాక్టర్ వైయస్ రాజశేఖర రెడ్డి అన్నారు. సామాజిక మార్పే తమ లక్ష్యమని ప్రజారాజ్యం పార్టీ అంటోందని మార్పు అంటే ఓసీలను బీసీలుగా చూపటమా అని ఆయన మంగళవారం మీడియా ప్రతినిధుల సమావేశంలో ప్రశ్నించారు. సి.రాంచంద్రయ్య బీసీ కాకపోయినా బీసీగా చూపారన్నారు. పైగా ఇది తప్పు కాదన్నట్లు మాట్లాడుతున్నారని ఆయన అన్నారు.

తెలుగుదేశం పార్టీ అధ్యక్షుడు చంద్రబాబునాయుడు డబ్బు పెట్టి ఓట్లు కొనటాన్ని ప్రోత్సహిస్తున్నారని పార్టీ అధ్యక్షుడిగా ఆయన ఇలాగేనా ప్రవర్తించటం, ఇంతకన్నా దారుణం ఉంటుందా అని అన్నారు. చంద్రబాబుపై ఎన్నికల సంఘం చర్యలు తీసుకోవాలని ఆయన కోరారు. పశ్చిమగోదావరి జిల్లా పర్యటన ఆయన కృష్ణా జిల్లాకు బయలుదేరారు. అనంతరం ఆయన కృష్ణా జిల్లాలోని గన్నవరం ఎన్నికల ప్రచార సభలో మాట్లాడారు.