ఉపద్రవం: భయంతో ఎంపీ పరుగు

హైదరాబాద్: భోలక్‌ పూర్‌ ఘటనలో బాధితులను పరామర్శించడానికి వెళ్లిన సికింద్రాబాద్‌ ఎంపీ అంజన్‌ కుమార్‌ యాదవ్‌ కు చేదు అనుభవం ఎదురైంది. ఆయన కారును ధ్వంసం చేయడానికి స్థానికులు యత్నించారు. ఎంపీని నడివీధిలో పరిగెత్తించారు. జనం ఆగ్రహంతో ఎంపీ వెంట పడడంతో ఆయన, అనుచరులు పరుగులు తీయవలసి వచ్చింది. మరోవైపు మంత్రి గల్లా అరుణకుమారిని స్థానికులు నిలదీశారు. ఈ చర్యకు బాధ్యులైన వారిని కఠినంగా శిక్షిస్తామని ఆమె హామీ ఇచ్చారు. హైదరాబాద్‌ కలెక్టర్‌ నవీల్‌ మిట్టాల్‌ బాధితులను పరామర్శించారు.

భోలక్‌పూర్‌ పరిస్థితిని నిరసిస్తూ గాంధీ ఆస్పత్రి వద్ద సికింద్రాబాద్‌ ప్రజారాజ్యం అభ్యర్థి శ్రావణ్‌ ధర్నాకు దిగారు. దీంతో పోలీసులు శ్రావణ్‌తో పాటు మరో 10 మంది పీఆర్పీ కార్యకర్తలను ఆరెస్టు చేశారు. స్థానికులు కూడా ఆందోళన చేపట్టడంతో పోలీసులు వారిపై లాఠీచార్జ్‌ చేశారు. దీంతో పరిస్థితి ఉద్రిక్తంగా మారింది.