పెషావర్ లో పేలుడు: 11 మంది మృతి

పెషావర్‌: పాకిస్తాన్ లోని పెషావర్ నగరంలోని ఒక లగ్జరీ హోటల్లో తాలిబాన్ ఉగ్రవాదులు భారీ విధ్వంసానికి పాల్పడ్డారు. భారీ ఆత్మాహుతి ట్రక్ పేలి ఈ సంఘటన చోటు చేసుకుంది. ఇందులో 11 మంది మరణించగా, 52 మంది గాయపడ్డారు. పైవ్ స్టార్ పియర్ల్ కాంటినెంటల్ హోటల్లో జరిగిన ఈ పేలుడులో సంభవించిన మృతుల్లో ఇద్దరు విదేశీయులు కూడా ఉన్నట్లు ప్రొవిన్షియల్ సమాచార మంత్రి మియాన్ ఇఫ్తెకార్ హుస్సేన్ చెప్పారు. అయితే వారు ఏ దేశానికి చెందినవారనేది ఆయన వెల్లడించలేదు.

ఒక ట్రక్ లో ఇద్దరు సాయుధులు భద్రతా సిబ్బంది బుల్లెట్లు కురిపిస్తూ లోనికి ప్రవేశించారు. ఆ తర్వాత హోటల్ భవంతిని ట్రక్ తో ఢీకొట్టించారు. దీంతో అది పేలి విధ్వంసం సంభవించింది. నగరంలో ఇటువంటి దారుణం జరగడం ఇది ఏడోసారి. ఇది ఆత్మాహుతి దాడి అని నగర పోలీసు చీఫ్ సెఫ్వాత్ ఘవూర్ అన్నారు.