బందరు ఓడరేవు కష్టమే: లగడపాటి

విజయవాడ: మచిలీపట్నం ఓడరేవు నిర్వహణ సందేహమేనని కాంగ్రెస్ పార్లమెంటు సభ్యుడు లగడపాటి రాజగోపాల్ అన్నారు. విజయవాడలో జరిగిన ఒక సమావేశంలో ఆయన సోమవారం ఈ సందేహం వ్యక్తం చేశారు. ఓడరేవుల నిర్వహణ లాభసాటి కాదని, దాంతో మచిలీపట్నం ఓడరేవును చేపట్టడానికి ఎవరూ ముందుకు రావడం లేదని ఆయన అన్నారు.

ఇప్పటికే విశాఖపట్నం ఓడరేవు అభివృద్ధి చెంది ఉందని, గంగవరం, నిజాం పట్నం ఓడరేవులు అవుతున్నాయని, ఈ స్థితిలో మచిలీపట్నం ఓడరేవు సందేహమేనని ఆయన అన్నారు. విజయవాడలో పెట్టుబడులు పెట్టడానికి ఎవరూ ముందుకు రావడం లేదని రాష్ట్ర మంత్రి పార్థసారథి ఆవేదన వ్యక్తం చేశారు.