పూణేలో మరో రెండు స్వైన్ ఫ్లూ కేసులు

పూణే: స్వైన్ ఫ్లూ కేసులతో విలవిలలాడుతున్న పూణేలో మరో రెండు స్వైన్ ఫ్లూ కేసులు నమోదయ్యాయి. వారి పరిస్థితి ఆందోళనకరంగా ఉందని వైద్యులు చెప్పారు. వారిని వెంటిలేటర్ మీద ఉంచారు. అయితే ఆరోగ్య పరిస్థితి నిలకడగానే ఉందని వారు చెబుతున్నారు. వీరిలో ఒకరు 36 ఏళ్ల ఆయుర్వేద వైద్యుడు కాగా మరో వ్యక్తి ్దే వయస్సు ఫార్మసిస్టు.

ఫార్మసిస్టును ప్రైవేట్ ఆస్పత్రి నుంచి ప్రభుత్వ ఆధ్వర్యంలోని సస్సోన్ జనరల్ ఆస్పత్రికి గురువారం రాత్రి తరలించారు. ఈ రెండు కేసులతో పూణేలో స్వైన్ ఫ్లూ సోకినవారి సంఖ్య 129కి చేరింది. పూణేను గురువారం స్వైన్ ఫ్లూ భయం వెంటాడింది. దీంతో ప్రజలు ఎవరికి వారే ఆస్పత్రులకు చేరుకుని పరీక్షలు చేసుకోవడం మొదలు పెట్టారు. దేశ రాజధాని ఢిల్లీలోనూ స్వైన్ ఫ్లూ కేసులు పెరుగుతున్నాయి.