ఐదుకు చేరిన స్వైన్ ఫ్లూ మృతులు

న్యూఢిల్లీ: దేశంలో మరో స్వైన్ ఫ్లూ రోగి మృత్యువాత పడ్డాడు. తాజాగా పూణేలో ఒక వ్యక్తి మరణించాడు. డాక్టర్ బాబా మానే మరణించినట్లు వైద్యులు తెలిపారు. దీంతో దేశంలో స్వైన్ ఫ్లూ వల్ల మృత్యువాత పడినవారి సంఖ్య ఐదుకు చేరింది. పూణేలోనే స్వైన్ ఫ్లూతో ముగ్గురు మరణించారు.శనివారం పొద్దు పోయిన తర్వాత, ఆదివారం నాడు ఇద్దరు మరణించారు.

అట్లాంటాకు చెందిన ఎన్నారై ప్రవీణ్ పటేల్ (43) ఆదివారంనాడు అహ్మదాబాదులో మరణించాడు. పూణేలో 42 ఏళ్ల టీచర్ సంజయ్ కొకరే శనివారం రాత్రి మరణించాడు. ఏడు రోజుల క్రితం 14 ఏళ్ల రిడా షా మరణించిన విషయం తెలిసిందే. స్వైన్ ఫ్లూ వల్ల దేశంలో సంభవించిన తొలి మరణం ఇదే. ముంబైలో శనివారం ఫాహిమా పన్వాలా అనే మహిళ స్వైన్ ఫ్లూ వల్ల మరణించింది.