అసెంబ్లీ: ఎస్సీలుగా దళిత క్రైస్తవులు

హైదరాబాద్: ముస్లింలకు రాష్ట్ర ప్రభుత్వం మంగళవారం మరో వరాన్ని ప్రకటించింది. దళిత క్రైస్తవులను దళితులుగా గుర్తించాలని కేంద్రాన్ని కోరుతూ ముఖ్యమంత్రి డాక్టర్ వైయస్ రాజశేఖర రెడ్డి శాసనసభలో తీర్మానం ప్రతిపాదించారు. ఎస్సీలతో సమానంగా దళిత క్రైస్తవులు రిజర్వేషన్లు పొందుతారని ఆయన అన్నారు. దీన్ని తెలుగుదేశం, ప్రజారాజ్యం, తెలంగాణ రాష్ట్ర సమితి, మజ్లీస్, సిపిఐలు సమర్థించాయి. బిజెపి మాత్రం దాన్ని వ్యతిరేకించింది.

ముఖ్యమంత్రి ప్రతిపాదించిన తీర్మానం హిందువులకు వ్యతిరేకమని, ఇది మతమార్పిడులను ప్రోత్సహిస్తుందని బిజెపి సభ్యుడు జి.కిషన్ రెడ్డి అన్నారు. దళిత ముస్లింలకు కూడా రిజర్వేషన్లు వర్తింపజేయాలని మజ్లీస్ కోరింది. అన్ని పార్టీలు మద్దతు తెలిపితే మజ్లీస్ విజ్ఞప్తిని తీర్మానంలో చేరుస్తామని ముఖ్యమంత్రి తెలిపారు.