వైయస్ జగన్ తో డిఎస్ భేటీ

హైదరాబాద్: దివంగత నేత వైయస్ రాజశేఖర రెడ్డి తనయుడు వైయస్ జగన్మోహన్ రెడ్డిని ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ కలిశారు. ముఖ్యమంత్రి క్యాంపు కార్యాలయంలో ఆయన జగన్మోహన్ రెడ్డితో భేటీ అయ్యారు. జగన్ తో ఆయన చర్చలు జరిపారు. మాజీ మంత్రి, కాంగ్రెసు సీనియర్ శాసనసభ్యుడు కె. జానారెడ్డి కూడా జగన్ ను కలిశారు. ఆయన విడిగా జగన్ తో సమావేశమయ్యారు. తాను జగన్ ను ముఖ్యమంత్రిని చేయాలని కాంగ్రెసు పార్టీ అధిష్ఠానవర్గానికి లేఖ రాసినట్లు జానా రెడ్డి ఈ సందర్భంగా మీడియా ప్రతినిధులతో చెప్పారు.

సినీ ప్రముఖులు అక్కినేని నాగేశ్వరరావు, తదితరులు కూడా వైయస్ జగన్ ను పరామర్సించారు. తెలుగుదేశం పార్టీ నాయకుడు తలసాని శ్రీనివాస్ యాదవ్, ఇతర తెలుగుదేశం నాయకులు వైయస్ జగన్ ను పరామర్శించారు. వైయస్ రాజశేఖర రెడ్డి రాష్ట్రంలో కాంగ్రెసును బలోపేతం చేశారని తలసాని శ్రీనివాస యాదవ్ అన్నారు. తాను పది రోజుల పాటు ఆస్ట్రేలియా పర్యటనలో ఉన్నానని, అందుకే వెంటనే రాలేకపోయానని ఆయన అన్నారు.