నగ్న చిత్రాలతో వేధించిన కార్తీక్ పై కేసు

విజయవాడ: హ్యాకింగ్ వీరుడు కార్తీక్ పై కేసు నమోదైంది. మెయిల్స్‌ను హ్యాక్‌ చేయడమే కాకుం డా నగ్న చిత్రాలద్వారా వివాహితను వేధిస్తున్న వ్యక్తిపై మాచవరం పోలీసులు సోమవారం కేసు నమోదు చేశారు. పోలీసుల వివరాల ప్రకారం మారుతీనగర్‌ లో ఎడ్యుకేషనల్‌ కన్సల్టెన్సీ వ్యాపారం చేస్తున్న వివాహిత జ్యోతిర్మయి తనను కర్నూల్‌కు చెందిన కార్తీక్‌ మెయిల్స్‌ను హ్యాక్‌చేసి నగ్నచిత్రాలతో బ్లాక్‌మెయిల్‌చేస్తున్నాడని మాచవరం పోలీసులకు ఫిర్యాదు చేసింది.

హైదరాబాదులో అధ్యాపకురాలిగా పనిచేసిన సమయంలో విద్యార్థిగా పరిచయమైన కార్తీక్‌, ఆ తర్వా త వ్యాపార భాగస్వామిగా మారాడని తెలిపింది. కార్తీక్‌ విజయవాడ వచ్చినప్పుడు తన ల్యాప్‌టాప్‌ వినియోగించుకునేవాడనీ, మెయిల్‌ సెట్టింగ్‌ను మార్చి అతని మెయిల్‌కు కనెక్ట్‌ చేశాడనీ ఫిర్యాదులో పేర్కొంది. బాధితురాలి ఫిర్యాదుమేరకు కార్తీక్‌ పై టీజింగ్‌, బెదిరిపుంలకు పాల్పడుతున్నట్లుగా కేసులు నమోదుచేసి దర్యాప్తు చేస్తున్నట్లు మాచవరం ఎస్‌ఐ పవన్‌కుమార్‌రెడ్డి తెలిపారు.