దాచేపల్లి ఘటనలో ఐదుగురి సస్పెన్షన్

గుంటూరు: గుంటూరు జిల్లా దాచేపల్లి మండలం నారాయణపురంలో జరిగిన పేలుడు సంఘటనలో ఐదుగురిపై సస్పెన్షన్ వేటు పడింది. విధి నిర్వహణలో నిర్లక్ష్యం వహించారనే ఆరోపణలపై దాచేపల్లి తాసిల్దార్ పార్థసారథి, వీఆర్పో, గ్రామ కార్యదర్శి, ఇద్దరు గ్రామ సేవకులను సస్పెండ్ చేసినట్లు జిల్లా కలెక్టర్ రామాంజనేయులు చెప్పారు. ఇదిలా ఉంటే, నష్టపరిహారం చెల్లించడంలో ప్రభుత్వం నిర్లక్ష్యం వహించిందని ఆరోపిస్తూ బాధితులు మంగళవారం ఆందోళనకు దిగారు. రోడ్డుపై బైఠాయించి నిరసన తెలిపారు.

గుంటూరు జిల్లా దాచేపల్లి నారాయణపురంలోని ఓ ఇంట్లో నవంబర్ 15వ తేదీన పేలుడు సంభవించి 13 మంది మరణించారు. మృతుల్లో ఆరుగురు చిన్నారులున్నారు. బూర్ల వెంకటేశ్వర రావు అనే వ్యక్తి ఇంట్లో గ్యాస్ సిలిండర్ పేలి మంటలు జిలిటెన్ స్టిక్స్ కు వ్యాపించి మంటలు ఎగిసిపడి ప్రమాదం సంభవించింది. ఈ పేలుడు ధాటికి పది ఇళ్లు నేలమట్టాయ్యాయి.