కెసీఅర్ బస్సును ఖమ్మం వైపు తరలిస్తున్న పోలీసులు

వరంగల్‌: టీఆర్‌ఎస్‌ అధ్యక్షుడు కల్వకుంట్ల చంద్రశేఖర్‌రావును అదుపులోకి తీసుకున్న పోలీసులు ప్రత్యేక బస్సులో ఆయన్ను వరంగల్‌కు తరలించారు. అక్కడి నుంచి ఆయనను ఖమ్మం తీసుకెళ్తున్నారు. ఖమ్మం మెజిస్ట్రేట్ ముందు ఆయనను హాజరుపరిచి, అక్కడి జైలుకే తరలించే అవకాశముంది. ఖమ్మం జిల్లాలో తెలంగాణ సెంటిమెంట్ తక్కువ కాబట్టి పోలీసులు ఈ విధంగా ఏర్పాటు చేసుకున్నట్టు తెలుస్తోంది.

మరోవైపు కేసీఆర్‌ అరెస్టుతో కరీంనగర్‌లో ఉద్రిక్తత వాతావరణం నెలకొంది. పోలీసులు లాఠీఛార్జ్‌ చేసి పలువురు నాయకులను అదుపులోకి తీసుకున్నారు. ఈటెల రాజేందర్‌ను కూడా అరెస్టు చేశారు. అలాగే కరీంనగర్‌లో కేబుల్‌ ప్రసారాలు, విద్యుత్‌ సరఫరాను అధికారులు నిలిపివేశారు. రాజీవ్‌ రహదారిలో పోలీసులు విసృతంగా తనిఖీలు చేపట్టడంతో రహదారిలో వందలాది వాహనాలు నిలిచిపోయాయి.

కేసీఆర్‌ తలపెట్టిన సిద్దిపేట దీక్షకు తరలివస్తున్న తెరాస శ్రేణులను ఎక్కడికక్కడ అదుపులోకి తీసుకోవాలనే ఆలోచనతో పోలీసులు తనిఖీలు చేపట్టారు. దీంతో అలగనూరు, తిమ్మాపూర్‌... తదితర ప్రాంతాల్లో ట్రాఫిక్‌కు తీవ్ర అంతరాయం కలిగింది.