మెదక్ ఎస్పీ ఆఫీసు ముట్టడిస్తాం: విజయశాంతి

హైదరాబాద్: మెదక్‌లో పోలీసులు అరెస్టు చేసిన తెలంగాణ ఉద్యమకారులను వెంటనే విడుదల చేయాలని మెదక్‌ ఎంపీ ఎం.విజయశాంతి డిమాండ్‌ చేశారు. వారిని అడ్డుకునే ప్రయత్నం చేస్తే తీవ్ర పరిణామాలు ఎదుర్కోవాల్సి ఉంటుందని హెచ్చరించారు. అక్రమ కేసులు బనాయించి ఇబ్బందులకు గురిచేస్తే సహించేది లేదని స్పష్టం చేశారు. ఉద్యమకారులను విడుదల చేయకపోతే ఆదివారం ఉదయం మెదక్‌ జిల్లా ఎస్పీ కార్యాలయాన్ని ముట్టడించనున్నట్లు ప్రకటించారు.

కేసీఆర్‌ ప్రకటనలు రాష్ట్రంలో తీవ్ర ఉద్రిక్తతలను రెచ్చగొట్టేలా ఉన్నాయని, తెలంగాణతో పాటు, రాయలసీమ, ఆంధ్రా ప్రాంతాల్లో శాంతిభద్రతల సమస్య తలెత్తే ప్రమాదం ఉందని ప్రభుత్వం ఓ అంచనాకు వచ్చింది. శాంతిభద్రతలకు విఘాతం కలగకుండా, టీఆర్‌ఎస్‌ కార్యకర్తలు రెచ్చిపోకుండా కట్టుదిట్టమైన చర్యలు తీసుకోవాలని సీఎం పోలీసుశాఖను ఆదేశించారు. కేసీఆర్‌ దీక్ష విషయంలో నిర్ణయాన్ని జిల్లా పోలీసు శాఖకే అప్పగించినట్లు తెలిసింది.