తెలంగాణ దుమారం: అసెంబ్లీ స్తంభన

హైదరాబాద్: తెలంగాణపై అసెంబ్లీలో దుమారం చెలరేగింది. మంగళవారం తిరిగి సమావేశమైన తర్వాత సభ సద్దుమణగలేదు. తెలంగాణ రాష్ట్ర సమితి (తెరాస) సభ్యులు తెలంగాణపై తీర్మానం ప్రతిపాదించాలని పట్టుబడుతూ సభా కార్యక్రమాలను స్తంభింపజేశారు. దీంతో మరోసారి సభను స్పీకర్ కిరణ్ కుమార్ రెడ్డి అర గంట పాటు వాయిదా వేశారు. తొలుత వాయిదా తీర్మానాలపై ప్రతిపక్షాలు పట్టుబట్టడంతో సభ 15 నిమిషాల పాటు వాయిదా పడింది.

తొలిసారి సభ వాయిదా పడిన తర్వాత కూడా తెరాస సభ్యులు స్పీకర్ పోడియం వద్ద బైఠాయించి తెలంగాణ నినాదాలు చేశారు. తిరిగి సమావేశమైన తర్వాత కూడా వారు తెలంగాణపై తీర్మానం ప్రతిపాదించాలంటూ పట్టుబట్టారు. దీంతో సభా కార్యక్రమాలకు తీవ్ర అంతరాయం ఏర్పడింది.