అందరూ కలిసుండాలనేదే అభిలాష: సిఎం

న్యూఢిల్లీ: అందరూ కలిసి ఉండాలనేదే తమ పార్టీ అధిష్టానం అభిలాష అని, తన ఆకాంక్ష కూడా అదేనని ముఖ్యమంత్రి కె రోశయ్య అన్నారు. మూడు రోజులు పర్యటన కోసం ఢిల్లీ వచ్చిన ఆయన గురువారం రాత్రి మీడియా ప్రతినిధులతో మాట్లాడారు. అందరి దయవల్ల రాష్ట్రంలో శాంతిభద్రతలు చక్కబడ్డాయని ఆయన అన్నారు. కాంగ్రెసు వర్కింగ్ కమిటీ (సిడబ్ల్యుసి) సమావేశానికి రావాలని పిలువు రావడంతో తాను ఒక్క రోజు ముందుగానే ఢిల్లీ వచ్చానని ఆయన చెప్పారు. సిడబ్ల్యుసి ఎజెండా తనకు తెలియదని, తెలంగాణ అంశం చర్చకు వస్తుందో రాదో కూడా తెలియదని ఆయన అన్నారు.

రాష్ట్ర పరిస్థితిపై కమిటీ వేసిన తర్వాత అది మనకు సంబంధించిన విషయం కాదని, అందువల్ల అందరూ కలిసి ఉండాలని తాను కోరుకుంటున్నానని ఆయన అన్నారు. గతంలో తెలంగాణ కమిటీకి నేతృత్వం వహించిన మీరు విధివిధానాలపై మొయిలీ, చిదంబరంతో మాట్లాడుతారా అని అడిగితే ఇప్పుడు మీకు చెప్పి విషయాలు మీడియాలో చూసుకోండి అని నన్ను చిదంబరంతో అనమంటారా అని ఆయన ఎదురుప్రశ్న వేశారు.