• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నెల్లూరు చోరీ కేసులో నలుగురు అరెస్టు

By Pratap
|

Nellore
శ్రీకాళహస్తి: నెల్లూరులోని ఎస్వీఆర్ బులియన్ లో చోరీ కేసులో పోలీసులు నలుగురిని అరెస్టు చేశారు. వారిని బుధవారం తెల్లవారు జాము నాలుగు గంటల ప్రాంతంలో చిత్తూరు జిల్లాలోని శ్రీకాళహస్తిలో గల ఒక లాడ్జీ నుంచి అదుపులోకి తీసుకున్నారు. వారి నుంచి పోలీసులు కోటి రూపాయల విలువ చేసే నగదు, బంగారం స్వాధీనం చేసుకున్నారు. ఇందులో 73 లక్షల రూపాయల నగదు ఉంది. శ్రీనివాసరావు అనే వ్యాపారికి చెందిన ఎస్వీఆర్ బులియన్ లో సోమవారం జరిగిన చోరీ తీవ్ర సంచలనం కలిగించింది. వేసిన తాళాలు వేసినట్లే ఉండి చోరీ జరిగింది. దీంతో చాలా దగ్గరి వారే ఈ చోరీకి పాల్పడి ఉంటారనే అనుమానాలు వ్యక్తమయ్యాయి.

శ్రీనివాసరావు ఇచ్చిన సమాచారం మేరకు దర్యాప్తు ప్రారంభించిన పోలీసులు దినేష్ ను పట్టుకున్నారు. శ్రీనివాసరావు కుమారుడైన దినేష్ దుకాణం మారు తాళాలు తయారు చేసి వాటి సాయంతో దుకాణం తెరిచి చోరీ పాల్పడినట్లు తెలుస్తోంది. అతనికి సహకరించిన అతని బావమరుదులు ముగ్గురిని కూడా పోలీసులు అదుపులోకి తీసుకున్నారు. దినేష్ హైదరాబాద్ లో ఉంటాడు. జల్సాలకు అలవాటు పడి డబ్బును మంచినీళ్ల ప్రాయంలా ఖర్చు చేస్తుంటాడని అంటారు. దాంతో అప్పులు చేసి వాటిని తీర్చడానికి ఈ చోరీకి పాల్పడినట్లు తెలుస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X