కర్నూలు జిల్లాలో కర్నాకటవాసులు మృతి

కర్నూలు: కర్నూలు జిల్లాలో ఆదివారం అర్థరాత్రి దాటిన తర్వాత జరిగిన ఘోర రోడ్డు ప్రమాదంలో ఐదుగురు మరణించారు. 12 మంది తీవ్రంగా గాయపడ్డారు. వీరంతా కర్నాటకలోని రాయచూర్ కు చెందినవారని తెలుస్తోంది. కర్నూలు జిల్లాలోని పెద్దపాడు వంతెన మలుపు వద్ద ఈ ప్రమాదం సంభవించింది. ట్రాక్స్ మలుపు తిరుగుతుండగా అదుపు తప్పి ఎదురుగా వస్తున్న లారీని ఢీకొట్టింది. ట్రాక్స్, లారీ నుజ్జు నుజ్జయ్యాయి.

కర్నాటకకు చెందినవారు శ్రీశైలం వెళ్తుండగా ఈ ప్రమాదం సంభవించింది. గాయపడిన వారిని 108 వాహనంలో కర్నూలులోని సర్వజన ఆస్పత్రికి తరలించారు. బాధితులు అపస్మారక స్థితిలో ఉన్నారు. నాగలాపురం పోలీసులు, కర్నూలు సిఐ జనార్దన్ నాయుడు సంఘటనా స్థలానికి చేరుకుని కేసు నమోదు చేసుకుని దర్యాప్తు చేస్తున్నారు.