ప్రజాసమస్యలను విస్మరించవద్దు: జగన్

హైదరాబాద్: ప్రజా సమస్యలను విస్మరించకుండా, అభివృద్ధి పనులకు పెద్దపీట వేస్తూ పార్టీ బలోపేతానికి కృషి చేయాలని కడప ఎంపీ వైయస్ జగన్మోహన్‌రెడ్డి సూచించారు. శుక్రవారం బంజారాహిల్స్‌ కార్పొరేటర్‌ భారతి ఆధ్వర్యంలో వందల సంఖ్యలో కాంగ్రెసు కార్యకర్తలు, వైఎస్సార్‌ అభిమానులు సాగర్‌ సొసైటీలోని జగన్‌ నివాసంలో ఆయన ను కలిశారు.

ఈ సందర్భంగా జగన్‌ మాట్లాడుతూ..ఎఐసీసీ అధ్యక్షురాలు సోనియా గాంధీ మహిళా లోకానికి చేస్తున్న కృషి మరువలేదని అన్నారు. ఆమె ఆశయ సాధన కోసం అందరం కలసి పనిచేయాలని పిలుపునిచ్చారు. ప్రజాభిమానంతోనే భారతి రెండోసారి గెలిచారని చెప్పారు.

దివంగత వైయస్ ను గుర్తుకు తెచ్చే విధంగా జగన్‌, అందరినీ పేరుపేరునా పలకరించారని భారతి తెలిపారు. జగన్‌ను కలిసిన వారిలో గ్రేటర్‌ కాంగ్రెసు ఎస్టీసెల్‌ చైర్మన్‌ బి బాబానాయక్‌, ప్రధాన కార్యదర్శి సి.రాములుచౌహాన్‌, రతన్‌ సింగ్‌ తదితరులున్నారు.