మంత్రులనా? మందలించానా? లేదే: రోశయ్య

హైదరాబాద్: కొందరు మంత్రులను తాను మందలించినట్లు మీడియాలో వచ్చిన కథనాలను ముఖ్యమంత్రి రోశయ్య శనివారం ఖండించారు. అసెంబ్లీ వాయిదా అనంతరం ఆయన మీడియాతో మాట్లాడుతూ తాను ఏమంత్రిని మందలించలేదని, గత రెండు మూడు రోజులుగా పత్రికల్లో వచ్చిన కథనాలు నిరాధారమైనవని కొట్టిపారేశారు.

కాగా సభలో టీడీపీ వ్యవహరిస్తున్న తీరు తనను ఆవేదనకు గురిచేస్తుందని ముఖ్యమంత్రి అన్నారు. ప్రజా సమస్యలు చర్చకు రాకుండా సభను అడ్డుకోవటం ఏమాత్రం సరికాదన్నారు. దీనివల్ల ప్రజా సమస్యలపై న్యాయం చేయలేకపోతున్నామన్నారు. టీడీపీ నిబంధనలకు నీళ్లు వదిలి సభను సజావుగా నడిపించేందుకు సహకరించటం లేదని సీఎం పేర్కొన్నారు.