బాబుకు బాలయ్య గండం: శైలజానాథ్

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి సినీ నటుడు బాలకృష్ణ గండం ఉందని కాంగ్రెసు శాసనసభ్యుడు శైలజానాథ్ వ్యాఖ్యానించారు. బాలకృష్ణ నుంచి ఎదురయ్యే గండంపై చంద్రబాబు దృష్టి పెట్టాలని ఆయన అన్నారు. ముఖ్యమంత్రి రోశయ్య ప్రభుత్వంపై చంద్రబాబు చేసిన విమర్శలపై ఆయన గురువారం మీడియా ప్రతినిధుల సమావేశంలో తీవ్రంగా ప్రతిస్పందించారు. చంద్రబాబు రైతుల ద్రోహి అని, రైతుల గురించి మాట్లాడే నైతిక హక్కు చంద్రబాబుకు లేదని ఆయన అన్నారు.

ముఖ్యమంత్రి రోశయ్య ప్రభుత్వం సమర్థంగా పని చేస్తోందని, ఎవరూ ప్రభుత్వ తీరుపై తల దించుకోవాల్సిన అవసరం లేదని ఆయన అన్నారు. పావలా వడ్డీ రుణాలు మహిళలకు అందకపోవడంపై తాను తల దించుకుంటున్నానని వైయస్ జగన్ ఇటీవల చేసిన వ్యాఖ్యపై ఆయన ఆ విధంగా ప్రతిస్పందించారు. జగన్ సహా ఎంతటి వ్యక్తులైనా పార్టీ ప్రయోజనాలే ముఖ్యమని ఆయన అన్నారు. సామాన్యులకు సేవలందించడమే ప్రభుత్వం ప్రధానోద్దేశ్యమని, ఈ విషయంపై జగన్ తో మాట్లాడి అభిప్రాయం తెలుసుకుంటానని ఆయన అన్నారు.