జైరాం రాజీనామాను తిరస్కరించిన పిఎం

న్యూఢిల్లీ: కేంద్ర సహాయ మంత్రి జైరాం రమేష్ రాజీనామాను ప్రధాని డాక్టర్ మన్మోహన్ సింగ్ తిరస్కరించారు. ప్రధాని కార్యాలయ వర్గాలు గురువారం ఈ విషయం చెప్పారు. హోం మంత్రిత్వ శాఖపై చేసిన వ్యాఖ్యలు వివాదాస్పదం కావడంతో జైరాం రమేష్ రాజీనామా చేయడానికి సిద్ధపడ్డారు. తాను రాజీనామా చేయడానికి సోమవారమే జైరాం రమేష్ సిద్ధపడ్డారు.

జైరాం రమేష్ వ్యాఖ్యలపై ప్రధాని మన్మోహన్ సింగ్ తీవ్ర అసంతృప్తి వ్యక్తం చేశారు. కాంగ్రెసు పార్టీ జైరాం రమేష్ వ్యాఖ్యలపై ఆగ్రహం వ్యక్తం చేసింది. జైరాం రమేష్ పై చర్యలు తీసుకోవాలని బిజెపి డిమాండ్ చేసింది. ఈ స్థితిలో జైరాం రమేష్ ప్రధాని మన్మోహన్ సింగ్ ను, కాంగ్రెసు అధ్యక్షురాలు సోనియా గాంధీని, హోం మంత్రి పి. చిదంబరాన్ని కలుసుకుని క్షమాపణలు చెప్పారు.