డిఎంకెలో చేరనున్న ఖుష్బూ

చెన్నై: పెళ్లికి ముందు శృంగారం తప్పు కాదని చేసిన వ్యాఖ్యలతో తీవ్ర వివాదంలో చిక్కుకున్న ప్రముఖ నటి ఖుష్బూ డిఎంకెలో చేరనున్నారు. తాను చేసిన వ్యాఖ్యలపై నమోదైన కేసుల నుంచి ఆమె ఇటీవలే బయట పడింది. ఆమె డిఎంకె అధ్యక్షుడు, తమిళనాడు ముఖ్యమంత్రి కరుణానిధిని కలుసుకుని ఆమె డిఎంకెలో చేరనుంది.

పరుషం-16 చిత్రం ద్వారా ఆమె తమిళ చిత్రసీమకు పరిచమయ్యారు. తక్కువ కాలంలోనే ఆమె తమిళ ప్రేక్షకుల ఆదరణను సంపాదించుకున్నారు. ఆమె కోసం తమిళ అభిమానులు ఓ ఆలయాన్ని కూడా నిర్మించారు. ఆమె కాంగ్రెసు పార్టీలో చేరుతున్నట్లు ఇటీవల ప్రచారం జరిగింది. అయితే, ఆ వార్తలను ఖుష్బూ ఖండించకుండా, ధ్రువీకరించకుండా కాలయాపన చేశారు. ఇప్పుడు ఆమె డిఎంకెలో చేరాలని నిర్ణయం తీసుకున్నారు.