• search
  • Live TV
కడప వార్తల కోసం
నోటిఫికేషన్స్ పై క్లిక్ చేయండి  

చంద్రబాబుదే నాయకత్వం: బాలయ్య

By Pratap
|

Balakrishna
కడప: తెలుగుదేశం అధ్యక్షుడు నారాచంద్రబాబునాయుడు నాయకత్వాన్ని బలపరచాలని సినీనటుడు నందమూరి బాలకృష్ణ స్పష్టం చేశారు. సింహా చిత్రం విజయవంతమైన సందర్భంగా కర్నూలు జిల్లాలోని అహోబిలాన్ని బుధవారం సందర్శించారు. ఈ సందర్భంగా ఆళ్లగడ్డ టీడీపీ ఇన్‌ చార్జి ఇరిగెల రాంపుల్లారెడ్డి అహోబిలంలో ఏర్పాటు చేసిన బహిరంగ సమావేశంలో ఆయన మాట్లాడారు. కళామతల్లికి సేవ చేస్తూ ఎవరూ వేయని వేషాలను వేసి ప్రజల హృదయాల్లో చిరస్థానాన్ని సంపాదించుకున్న నందమూరి తారకరామారావు బిడ్డగా జన్మించడం గర్వంగా ఉందన్నారు. ఎన్టీఆర్ బాటలోనే నడుస్తున్న తన పట్ల ప్రజలు, అభిమానులు చూపుతున్న ఆదరణ రుణం తీర్చుకోలేనిదన్నారు. ఆళ్లగడ్డ నియోజకవర్గంలోని బంజరు భూముల్లో రత్నాలు పండించాలన్న ఆకాంక్షతో తెలుగుగంగ కాలువను నిర్మించారని గుర్తుచేశారు.

దర్శకులు శ్రీను, నిర్మాత పరుచూరి కిరీటి, సంగీత దర్శకులు, హీరోయిన్ల కృషి వల్లే సింహా సినిమా విజయవంతమైందన్నారు. సింహాలోని డైలాగ్‌లను సమావేశంలో ప్రస్తావించారు. వీడియో పైరసీని అరికట్టాలని ఇందుకు ప్రేక్షకుల అభిమానుల సహకారం ఉండాలని ఈ సమాచారాన్ని అందించిన వారికి పారితోషికం ఇస్తామని తెలిపారు. తాను ఎన్నికల ప్రచారానికి వచ్చిన సమయంలో రోడ్డు ప్రమాదంలో మరణించిన శివమ్మ భర్త కుటుంబాన్ని అన్నివిధాల ఆదుకుంటానని ముఖ్యంగా పిల్లలు చదివేంతవరకు విద్యాభ్యాసం చేయిస్తానని సభాముఖంగా బాలక్రిష్ణ హామీ ఇచ్చారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X