• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సహనమా, తిరుగుబాటా: తేల్చుకోవాల్సింది వైయస్ జగనే

By Pratap
|

YS Jagan
హైదరాబాద్‌: పార్టీ అధిష్టానంపై తిరగబడ్తారా, అవకాశం కోసం ఎదురు చూస్తారో తెల్చుకోవాల్సిన పరిస్థితిలో కాంగ్రెసు కడప పార్లమెంటు సభ్యుడు వైయస్ జగన్ పడ్డారు. జగన్ ఓదార్పు యాత్రకు అనుమతి ఇచ్చే ప్రసక్తి లేదని, జగన్ ఓపిక పట్టాల్సిందేనని కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ స్పష్టం చేసినట్లు సమాచారం. శ్రీకాకుళం జిల్లాలో వచ్చే నెల 8వ తేదీ నుంచి తలపెట్టిన జగన్ ఓదార్పు యాత్రకు అనుమతి ఇవ్వాలని ప్రభుత్వ విప్ లు శైలజానాథ్, కొండ్రు మురళి కలిసి కోరినప్పుడు మొయిలీ ఆ విషయం చెప్పినట్లు తెలుస్తోంది. శ్రీకాకుళం యాత్రకే కాదు, ఏ యాత్రకు కూడా అనుమతి ఇచ్చేది లేదని, ఏ ప్రాంతంలో కూడా యాత్రకు అనుమతి ఉండదని మొయిలీ తెగేసి చెప్పినట్లు తెలుస్తోంది.

మొయిలీ స్పష్టంగా చెప్పడంతో ఏం చేయాలో నిర్ణయించుకోవాల్సిన పరిస్థితిలో జగన్ పడ్డారు. అధిష్టానాన్ని ధిక్కరించడమా, శిరసా వహించడమా అనేది ఇప్పుడు ఆయన నిర్ణయించుకోవాల్సిందే. అధిష్టానం వద్ద తిరిగి పరపతి సాధించడానికి జగన్ దీర్ఘకాలమే ఎదురు చూడాల్సి ఉంటుంది. అది ఎంత కాలమనేది కూడా స్పష్టంగా చెప్పలేని వాతావరణం. అందుకు కొన్నేళ్లు పట్టవచ్చు. అయితే అంత కాలం నిరీక్షించే ఓపిక జగన్ కు ఉందా అనేది సందేహమే. ప్రతిసారీ జగన్ తమను ప్రశ్నించేలా, ధిక్కరించే విధంగా వ్యవహరిస్తూ ఉండడమే అధిష్టానం కఠిన వైఖరికి కారణమని అంటున్నారు. ఒక్కసారి పట్టు విడిస్తే జగన్ రెచ్చిపోయే ప్రమాదం ఉందనే భావనతో అధిష్టానం ఉన్నట్లు తెలుస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X